Ƴan Nijeriya mazauna ƙasashen waje haziƙai ne ma su ilimi – Dabiri-Erewa

DAGA YASIR SANI ABDULLAH 

Hukumar kula da Ƴan ƙasa mazauna Ƙasashen Waje, NiDCOM, ta bayyana cewa ƴan Nijeriya mazauna ƙasashen ƙetare a matsayin waɗanda su ka fi kowa hankali da ilimi a Amurka da Birtaniya.

Shugabar hukumar, Abike Dabiri ce ta bayyana hakan ne a yau Laraba a Abuja, a wani taron manema labarai domin sanar da Bikin Ranar Mazauna Ƙasashen Waje na 2022.

An Tsinci Gawar Matashi A Cikin Kwata A Kano

An shirya gudanar da bikin ne a ranar 25 ga watan Yuli.

Taken bikin shi ne: “Hoɓɓasar Al’umma a Zamani a kan Kalubalen Ci gaban Ƙasa”.

Ta ce ƙwararru na ci gaba da masu kishin kasashen waje a fadin duniya sun yi nuni da cewa babu wata kasa a duniya da za ta ci gaba ba tare da taimakon al’ummarta mazauna ƙasashen waje ba.

A cewarta, ’yan kasashen waje sun kasance masu albarka ga kasarsu.

Don haka, ta ce, ƴan Najeriya mazauna kasashen waje su na ba da gudummawa sosai ga haɓɓakar tattalin arzikin ƙasar.