News
Danwawu ya tsere bayan wanda ya tsaya masa a kotu ya janye
Rahotanni daga jaridar DAILY NIGERIAN sun bayyana cewa Sulaiman Aminu Danwawu, wanda ake zargi da kasancewa babban dillalin miyagun ƙwayoyi a jihar Kano, ya tsere daga hannun shari’a, kwanaki bayan da kotun tarayya da ke Kano ta ba shi beli.
Danwawu ya samu belin ne bisa tsayuwar Kwamishinan Sufuri na jihar Kano, Alhaji Ibrahim Namadi, wanda ya gabatar da kansa a matsayin mai tsaya masa.
Sai dai bayan fitar rahoton cewa Kwamishinan ya tsaya wa wanda ake zargi da zama dillalin miyagun ƙwayoyi, ce-ce-ku-ce da suka daga jama’a ya barke a kafafen sada zumunta.
Bayan wannan cece-kuce, majiyoyi sun ce Kwamishinan ya nemi Danwawu cikin gaggawa don ganawa da shi, amma Danwawu ya kashe wayoyinsa, ya guje masa, kuma ya ƙi bayyana kansa. Wannan lamari ya sanya Kwamishinan cikin halin ɗimuwa da rashin tabbas.
A daren Juma’a, Kwamishina Namadi ya fitar da wata wasika zuwa kotu inda ya sanar da janye kansa daga matsayin wanda ya tsaya wa Danwawu.
Ya ce ya dauki wannan matakin ne don kare martabarsa a idon jama’a a matsayin jami’in gwamnati.
Yanzu haka ba a san inda Danwawu ya shiga ba, yayin da ake sa ran kotu da hukumomin tsaro za su ɗauki mataki domin tabbatar da an dawo da shi gaban shari’a.
Kwankwaso Ya Ce Bai Yanke Shawara Kan Makomar Siyasarsa Ba Har Yanzu
Gwamnatin Tarayya Ta Ci Gaba Da Aikin Titin Kano-Gwarzo-Dayi Sakamakon Biyan Diyya Da Gwamnatin Abba Ta Yi
Kamfanonin Bada Bashi Ne Suka Cire N1.5bn Daga Albashin Ma’aikatan Kano — SSG
Yaro Dan Shekara 3 Ya Faɗa Cikin Wata Rijiya Mai Zurfin Mita 18
An hallaka jagoran ’yan bindiga da wasu ɓarayi 4 a Zamfara
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
WAI ME GARO YA YI NE?
Wata Motar Jigilar Fasinja Mai Amfani Da CNG Ta fashe A Kaduna
