News
Kasafin 2026: Shugaba Tinubu, Shettima Da Mataimakansu Za Su Kashe Naira Biliyan 12.2 Wajen Tafiye-tafiye
Shugaban Najeriya, Bola Ahmed Tinubu, Mataimakinsa Kashim Shettima, tare da wasu manyan jami’an fadar shugaban ƙasa, na shirin kashe Naira biliyan 12.2 wajen tafiye-tafiye a cikin gida da kuma ƙasashen waje a shekarar 2026.
Wannan na cikin kasafin kuɗin fadar shugaban ƙasa da aka gabatar a gaban Majalisar Tarayya, wanda yanzu ke jiran amincewa.
Takardun kasafin sun nuna cewa fadar shugaban ƙasa na ci gaba da ba da fifiko ga hulɗa da ƙasashen waje, inda aka fi mayar da hankali kan tafiye-tafiye zuwa ƙasashen waje duk da matsin tattalin arziki.
An ware wa Shugaba Tinubu Naira biliyan 7.014 don tafiye-tafiye. Daga wannan, Naira biliyan 6.14 na nufin tafiye-tafiye na ƙasashen waje, yayin da Naira miliyan 873.89 aka tanade domin zirga-zirgar cikin gida.
Mataimakin shugaban ƙasa, Kashim Shettima, zai samu Naira biliyan 1.732 don tafiye-tafiyensa. Daga cikin wannan, Naira biliyan 1.31 na nufin tafiye-tafiye na ƙasashen waje, yayin da Naira miliyan 417.49 aka ware don tafiye-tafiye cikin gida.
Bugu da ƙari, an ware Naira biliyan 3.433 domin tafiye-tafiye karkashin ofishin fadar shugaban ƙasa gaba ɗaya.
Haka kuma, kasafin ya tanadi Naira miliyan 179.01 domin sayen sabbin motoci ga shugaban ƙasa, yayin da Naira miliyan 375.19 aka ware don abinci da hidimar baƙi.
Wannan kasafin na zuwa ne a daidai lokacin da Najeriya ke fuskantar hauhawar farashi da matsalolin tattalin arziki, lamarin da ke janyo muhawara a tsakanin al’umma kan yadda ake kashe kuɗaɗen gwamnati.
Sare Bishiyoyi A ARTV Ya Bankado Matsalolin Da Ke Addabar Tashar — Gwamnatin Kano
Kazafin Satar Mace Ya Janyo Wa Dan Acaba Duka
Ƙarancin Ruwa Ya Tilasta Wa Mazauna Wasu Ƙauyukan Kano Shan Ruwan Da Karnuka Ke Wanka A Ciki
An Rufe Shagunan Sayar Da Magani Kusan 600 A Plateau
ADC Na Neman Raba Gawuna Da Tsarin NDC Kwankwasiyya Bayan Yimasa Tayin Takarar Gwamnan Kano A 2027
Wani Matashi Dan Kano Ya Yanke Gaban Sa
KANO: ‘Yan Bindiga Sun Hallaka Mutum 2 A Gwarzo
Falalar Kwana Goma Na Farkon Zul-Hijjah: Shawarwari Daga Manyan Malamai
Yadda Wata Mata Ta Banka Wa Mijinta Da Amaryarsa Da ‘Ya’yanta Guda Biyu Wuta A Kano
