Kotun Koli Ta Kasar Kenya Ta Amince Da Nasarar William Ruto

DAGA MARYAM BASHIR MUSA

Kotun kolin Kenya, a safiyar ranar Litinin, ta tabbatar da nasarar William Ruto a zaben shugaban kasar.

Kotun kolin a hukuncin da ta yanke na bai daya da babbar mai shari’a, Martha Koome, ta yi watsi da karar da madugun ‘yan adawa, Raila Odinga, ya shigar na kin amincewa da nasarar da Ruto ya samu a babban zaben kasar.