News
Gwamnatin Tanzania ta haramta wa bankuna cajin kwastamomi kuɗin taransfa
DAGA MUHAMMAD MUHAMMAD ZAHRADDIN
Ƙasar Tanzania ta soke kuɗin da bankuna ke cajin mutane idan suka tura kuɗi sakamakon ce-ce-ku-cen da lamarin ya jawo.
Ministan kuɗi na ƙasar Mwigulu Nchemba ya shaida wa ƴan majalisar ƙasar cewa an soke tukuicin ne bayan umarnin da shugabar ƙasar Samia Suluhu Hassan ta bayar.
Ministan ya ce wannan matakin dai zai shafi kuɗin shigar da gwamnati ke samu matuƙa, amma duk da haka an bayar da umarni ga ma’aikatu su rage kuɗin da suke kashewa wurin shirya taruka da kuma sayen kayan maƙulashe.
Tun a bara ne dai bankuna a ƙasar suka fito da wannan tsarin inda tun daga lokacin jama’a suka rinƙa ce-ce-ku-ce.
A yanzu dai wannan matakin zai kawo ƙarshen kuɗin da ake cajin kwastamomi idan sun tura kuɗi daga asusun banki zuwa ƙaramin asusu na waya, da kuma kuɗin da ake caji idan kwastamomin sun tura kuɗi tsakanin banki da banki da kuma tsakanin bankinsu da wani banki na daban.
Wannan sabon tsarin dai zai soma aiki ne daga ranar 1 ga watan Okotoba.
Tirelar Shanu Ta Kife A Tashar Dukku Da Ke Gombe
Babu Hidimar Ƙasa Ga Wanda NERD Ba Ta Tantance Ba – NYSC
Ƴansanda Sun Cafke Mutane Takwas Kan Rikicin Kasuwar Gujungu Dake Jigawa
Manufofin Gwamnatin Shugaba Tinubu Sun Jefa Yan Najeriya Cikin Matsin Rayuwa —Seyi Makinde
Mutum Miliyan 2 Na Ɗauke Da Cutar Hanta (Hepatitis) A Kano — KSACA
Hukumar Kula Da Harkokin Shari’a Ta Tilasta Wa Alƙali Ritaya Kan Zargin Karɓar Cin Hancin Naira 250,000 A Kano
Jigawa: Sama da Gine-gine 200 Sun Lalace Sakamakon Iska Da Ruwan Sama Mai Ƙarfi
Wasu Fusatattun Matasa Sun Hallaka Wani Mutum Tare Da Kona Gawarsa Kan Zargin Satar Babur A Kano
Karuwar Ta’ammuli Da Miyagun Ƙwayoyi Tsakanin Mata Na Barazana Ga Makomar Iyali – Masana
