Gwamnonin Arewa maso Yamma sun tsara hanyoyin da za a bi don ci gaban tattalin arzikin yankin 

DAGA KABIRU BASIRU FULATAN

A kokarin samar da ci gaba mai dorewa da wadata tattalin arziki, gwamnonin jihohin Arewa maso Yamma sun amince su hada kai da juna domin amfanin yankin.

Gwamnonin sun bayyana hakan ne bayan wani taro da suka gudanar a yau (Talata) a gidan gwamnatin Katsina da ke jihar Katsina.

Da Dumi-Dumi: Kotun Sojoji Ta Yankewa Manjo Janar Hukuncin Daurin Shekaru 7 A Gidan Yari

Taron wanda ya samu halartar gwamnan jihar Kano Alhaji Abba Kabir Yusuf, gwamnan jihar Zamfara Alhaji Dauda Lawal, gwamnan jihar Kebbi H.E. Kauran Gwandu, Gwamnan jihar Sokoto Alh. Ahmed Aliyu, gwamnan jihar Jigawa wanda ya samu wakilcin mataimakinsa da gwamnan jihar Katsina Dr. Dikko Umaru Radda wanda ya kasance mai masaukin baki.

Yayin da suke jawabi ga manema labarai na hadin gwiwa jim kadan bayan kammala taron, gwamnonin sun amince da samar da wata manufa guda domin tinkarar kalubalen tsaro da ya addabi yankin a shekarun baya.

Haka kuma an amince da yin aiki tare wajen inganta fannin noma ta hanyar inganta sarkar kimar dabi’u, samun damar shigar da kayayyakin amfanin gona da kasuwannin.

Gwamnonin sun kuma tsara hanyar samar da ci gaban tattalin arzikin yankin tare da cikakken tsari na hanyoyin da gwamnatocin jihohin ke amfani da su a kan albarkatun kasa.

“Muna so mu yi amfani da wannan dama domin mu yaba wa Mista Bola Ahmed Tinubu kan yadda ya shiga aikin samar da wutar lantarki a jihohin arewa maso yamma da nufin bunkasa tattalin arzikinsu da samar da karin ayyukan yi ga al’ummar jihar Kano.” Inji Gwamnan Jihar Kano Alhaji Abba Kabir Yusuf taron manema labarai na hadin gwiwa.

Tun da farko kafin taron, gwamnonin sun raka takwaran gwamnan Katsina Dikko Umaru Radda wanda ya tarbi tsohon shugaban kasa Muhammad Buhari domin kaddamar da wani shiri na musamman na tsaro mai taken “Katsina State Community Security Watch Corps (KSWC)”.

Gwamnan jihar Katsina ya kuma bayar da tallafin motocin aiki ga jami’an tsaro a jihar.