Labarai
Wata mata da miji sun shiga hannun hukuma kan zargin kashe wani a kasuwa

DAGA YASIR SANI ABDULLAHI
Wata mata da miji sun shiga hannun hukuma kan zargin kashe wani wanda suka yi fada da shi a kasuwa.
Rundunar ’Yan Sandan Jihar Ogun ta damke wannan mata da miji ne bayan mutuwar abokin fadan nasu mai suna Mista Mark Kalu.
A safiyar Lahadi ne kakakin rundunar, SP Omolola Odutola, ta sanar a Abeokuta cewa Mista Kalu wanda ya samu raunuka a sassan jikinsa a yayin fada da ma’auratan ya mutu.
SP Odutola ta ce, “Rikicin Mista Kalu da ma’auratan a kasuwa ya yi sanadiyyar rasuwarsa.
“Babaloja na Osiele da kuma shugabannin kabilar Igbo sun yi kokarin ganin an sasanta lamarin cikin ruwan sanyi.
“Amma dai yanzu wadanda ake zargin suna hannun ’yan sanda ana gudanar da bincike.”
Ta ce gawar mamacin kuma an kai ta Babbar Cibiyar Lafiya ta Tarayya da ke Idi Aba, Abeokuta domin gudanar da bincike.
Aminiya ta ruwaito cewa Mata da mijin da ake zargin dai sun ba hamata iska da Mista Kalu ne a ranar 8 ga watan Oktoba 2023, a Kasuwar Osiele da ke Jihar Ogun.
-
Labarai7 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai3 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
