News
Rundunar ‘Yan Sanda Ta Tsinci Gawar Wata Budurwa Mai Shekaru 14, A Ban Dakin Wani Otel
DAGA MUHAMMAD MUHAMMAD ZAHRADDIN
Rundunar ‘yan sandan jihar Bayelsa ta tsinci gawar wata budurwa mai shekaru 14, mai suna Shallon Ebitare a ban dakin wani otel dake Yenagoa.
Premium Times ta ruwaito cewa lamari ya auku ne ranar Laraba yayin da mamaciyar da saurayinta mai suna Lucky Okubo mai shekara 17 suka kama ɗaki a wani Otel don shakatawa.
Kakakin rundunar ‘yan sandan jihar Musa Muhammed wanda ya tabbatar da aukuwar lamarin ya ce yarinyar ta mutu a cikin ban ɗakin Otel ɗin.
Muhammed ya ce an yi hanzarin kai ta asibitin FMC dake Yenagoa amma likita ya tabbatar cewa ta rasu.
Ya ce ‘yan sanda sun kama Okubo bisa zargin kisa sannan Kwamishinan ‘yan sandan jihar, ya bayar da umarnin gudanar da sahihin bincike kan lamarin.
Zuwa yanzu Okubo na tsare a sashen SCID, Yenagoa yayin da ake ci gaba da bincike da nufin gano musabbabin mutuwar yarinyar.
Muhammed ya ce da zarar sun kammala binciken za su kai saurayin kotu domin yanke masa hukunci.
Yaro Dan Shekara 3 Ya Faɗa Cikin Wata Rijiya Mai Zurfin Mita 18
An hallaka jagoran ’yan bindiga da wasu ɓarayi 4 a Zamfara
Wani Mutum Ya Kai Gawar Ƴar’uwarsa Banki Don Nuna Shaidar Ta Mutu
Rundunar ‘Yan Sanda Ta Kori jami’anta Da Ya Kashe Wani Matashi A Delta
Kotun Koli ta tabbatar David Mark a matsyin Shugaban Jam’iyyar ADC
Muhimmancin sada zumunci – Malam Jafar
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
WAI ME GARO YA YI NE?
