Labarai
An Sake Babban Rashi A Rundunar Sojin Nijeriya

DAGA MUHAMMAD MUHAMMAD ZAHRADDIN
Aƙalla sojojin Nijeriya shida sun riga mu gidan gaskiya sakamakon kwanton-ɓaunan da mayaƙan Boko Haram suka yi musu a hanyar Biu-Buni Yadi a Jihar Borno.
Daily Trust ta ruwaito cewa lamarin ya auku ne a ƙauyen Kamuya da ke kusa da Buratai, mahaifar tsohon Babban Hafsan Sojojin Ƙasa, Lt. Gen Tukur Buratai (mai murabus).
Rundunar ‘Yan Sanda Ta Tsinci Gawar Wata Budurwa Mai Shekaru 14, A Ban Dakin Wani Otel
Majiya ta kusa da rundunar tsaro ta ce, jami’an sun cimma ajali ne a kan hanyarsi ta zuwa Damaturu don shan mai.
“Abin baƙin ciki ne ainun, sojojin runduna ta 135 Special Force BN FOB ne da ke Buratai. An yi musu kwanton-ɓauna ne a hanyarsu ta zuwa shan mai a Damaturu, Jihar Yobe.
“Mun rasa babban janmi’ guda da direba da maharbi da wasu ‘yan rakiya huɗu, yayin da an kwashi waɗanda suka jikkata zuwa aisibiti inda ake yi musu magani,” in ji majiyar.
Wannan na zuwa ne mako guda da yin jana’izar wasu sojoji da masu tada ƙayar baya suka kashe a Jihar Delta a babbar maƙabarta dake Abuja.
-
Labarai6 days ago
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai3 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai2 days ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
