Labarai
An Dakatar Da Sheikh Bin Uthman Daga Limancin Masallacin Sahaba, DSS Ta gayyace shi

DAGA YASIR SANI ABDULLAHI
Kwamitin kula da Masallacin Sahaba da ke Kano ya dakatar da fitaccen Malamin nan Sheikh Bin Uthman daga Limanci a Masallacin sakamakon zarginsa da rura wutar sabani game da jagorancin Masallacin.
Jaridar Daily Nigerian ta ruwaito cewa, hukumar tsaro ta DSS ta gayyaci Shehin Malamin kan wannan batu, inda ta bukace-shi da karya gudanar da huduba ko furta wata kalma da za ta tunzura magoya baya su tada zaune tsaye.
Wata majiya ta shaidawa jaridar cewa, tun a washegarin faruwar hatsaniyar da ta faru a Masallacin ne hukumar kula da Masallacin ta tura wa Shehin Malamin da takardar dakatar wa, inda a ranar litinin kuma hukumar tsaron DSS da Council of Ulama suka zauna da Sheikh Bin Uthman, har ma bayanai sun ce Council of Ulama sun shawarci Sheikh Bin Uthman da ya hakura da wannan sabon Masallacin ya koma tsohon Masallacin sa na Sahaba domin ci gaba da Limanci acan.
-
Labarai6 days agoGwamnatin Tarayya Za Ta Fara Yi Wa Masu Digirin Ƙasashen Waje Jarrabawa
-
Labarai2 days ago
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
-
Labarai1 day ago
Hare-haren Ta’addanci Ya Yi Sanadiyyar Mutuwar Mutum 835 A Najeriya Cikin Wata Guda – Rahoto
