News
Bello Turji Ya Saki Waɗanda Ya Yi Garkuwa Da Su Mutane 32 Ya Miƙa Makamai Bayan Shiga Tsakani
Shugaban gungun ‘yan bindiga da ake zargi da kai hare-hare a jihar Zamfara, Bello Turji, ya saki mutum 32 da ya yi garkuwa da su, tare da ajiye wasu daga cikin makaman sa a matsayin alamar goyon bayan zaman lafiya.
Wannan na zuwa ne bayan jerin ganawa da wasu fitattun malamai da suka hada da Sheikh Musa Yusuf Asadus-Sunnah, wanda ya jagoranci shiga tsakani a dajin Fakai, cikin Karamar Hukumar Shinkafi ta jihar Zamfara.
Yan Sanda Sun Kama Mace Bisa Zargin Satar Adai-daita Sahu a Jigawa
Sheikh Asadus-Sunnah, wanda ya bayyana hakan a wani taron addini da aka gudanar a Kaduna ranar Litinin, ya ce an gudanar da ganawar sulhu da Turji da sauran shugabannin tawagarsa sau uku a cikin watan Yuli.
“Mun gana da Bello Turji, Dan Bakkolo, Black, Kanawa da Malam Ila. Jita-jitar cewa Dan Bakkolo ya mutu ba gaskiya ba ce. Dukkansu sun amince da zaman lafiya, sun kuma mika wasu daga cikin makaman su,” in ji shi.
Ya ce bayan ganawar, ‘yan bindigar sun ba da damar manoma da jama’ar Shinkafi su ci gaba da zuwa gonakinsu cikin daji ba tare da fargaba ba. Haka zalika, an yi yarjejeniya cewa Fulani za su iya shiga cikin gari ba tare da tsangwama daga masu sa kai ba.
A cewar Sheikh Yusuf, mutanen da Turji ya sako sun hada da mata da yara da suka kwashe kusan wata hudu a hannun ‘yan bindigar. Wasu daga cikinsu sun fuskanci mawuyacin hali, inda aka samu mace guda da ta haihu a daji, sannan wata kuma ta kamu da cizon maciji.
Malamin ya ce tun bayan yarjejeniyar, an fara samun sauyin yanayi a yankin Shinkafi, inda mutane ke ci gaba da aikin gona cikin kwanciyar hankali.
Duk da irin wannan ci gaba, malamin ya ce ba su bukaci Bello Turji ya mika dukkan makaman sa ba, domin hakan na iya janyo farmaki daga wasu kungiyoyin makiyaya da ke da sabani da shi.
Ya kuma gargadi wasu malamai da ke amfani da kafafen sada zumunta suna sukar Turji, yana mai cewa hakan zai iya janyo rikici fiye da alheri.
“Shekaru da dama ana kashe mutane, amma yanzu da aka samu wannan dama ta sulhu, ya kamata a yi amfani da ita,” in ji shi.
Amb. Muhammad Bello Dalha Ya Sayi Fom Din Takarar Gwamnan Kano A Jam’iyyar PDP
An Rantsar Da Shugaba Yoweri Museveni Na Kasar Uganda A Karo Na 7
Rikicin ACF: Lokaci Ya Yi Na Rushe Tsohon Tsari Da Yin Garambawul —Abbas Ibrahim
Yadda Wata Mata Ta Banka Wa Mijinta Da Amaryarsa Da ‘Ya’yanta Guda Biyu Wuta A Kano
KASITDA Ta Samar Da Sabbin Tsare-tsare Domin Inganta Ayyukan Ma’aikatar Lafiya A Kano
Shekara Kwana: Shekaru 24 Kenan Da Hatsarin Jirgin Sama A Unguwar Gwammaja Dake Jihar Kano
Wasu Ƴan Daba Sun Kai Farmaki Kasuwar Siyar Da Wayoyi Ta Farm Center Dake Kano
Wasu Fusatattun Matasa Sun Ƙona Mutum Uku Har lahira A Filato
Kujerar Mataimakin Gwamna : Jaddada Matsayata Da Kalubalantar MUNAFUKAI
