Connect with us

Labarai

Abba Anwar Ya Kalubalanci Ganduje Kan Rashin Tabuka Abun A Zo A Gani A Bangaren ilimi A Kano Ta Arewa

Published

on

Advertisements
WhatsApp Image 2026 11 04 at 12.03.38 AM

Tsohon babban sakataren yada labaran tsohon gwamnan jihar Kano Dakta Abdullahi Umar Ganduje, Mallam Abba Anwar ya kalubalanci Ganduje, kan rashin tabuka abun a zo a gani a bangaren ilimi, kamar yadda mataimakin shugaban majalisar dattawa Sanata Barau Jibril ke yi, a yankin Kano ta Arewa.

A cewar Abba Anwar, Sanata Barau ya zama jigon tallafawa bangaren ilimi, wanda bashi da sa’a a gaba dayan Kano ta Arewa, duba da wasu manyan ayyuka da ya gudanar, wanda suka daga darajar ilimi a jihar Kano.

Da Dumi-Dumi: Shugaba  Tinubu ya sanar da kawo karshen dokar ta-baci a Jihar Ribas

Duk da yake dai cewar shi Anwar din bai fito fili ya kama sunan Gandujen ba, a wani rubutun sa da ya sa a shafin sa na Facebook kuma a ka buga a jaridar Daily Trust da Jaridar Inda Ranka da wasu kafafen yada labarai na yanar gizo.

Amma kasancewar ya kalubalanci duk wasu masu rike da mukamai a gwamnatin tarayya, wadanda a ka zaba da kuma wadanda a ka nada, da su ka fito daga shiyyar Kano ta Arewa. Wato bangaren da Sanata Barau ya fito. Shine kuma bangaren da Gandujen shi ma ya fito.

Ayyukan da Sanata Barau a bangaren ilimi sun hada samar da Jami’ar Kimiyya da Fasaha gwamnatin tarayya a ƙaramar hukumar Kabo, tare da ɗaukar nauyin matasa su Saba’in (70), zuwa kasashen waje dan karo karatun Digiri na Biyu a bangarori daban daban.

A bangaren jam’i’o’in ciki gida, Sanata Barau ya dauki nauyin karatun dalibai Dari Uku (300) domin yin Digiri na Biyu, a manyan jam’i’o’i irin su BUK, ABU, Jami’ar Lagos, da jami’ar Ibadan da sauran su, yayin da Sanatan ya fi maida hankali kan fannonin da a ke alfahari da su yanzu a duniya.

Advertisement

A bangaren masu digiri na farko, Sanata Barau Jibril ya dauki nauyin karatun dalibai sama da Dubu Biyu (2,000) domin karantar bangarorin karatu daban daban a shiyyoyin jami’ar gwamnatin tarayya ta Dutsinma da suke nan Kano, wadanda shi ne silar samar dasu.

Idan za a iya tunawa tun kafin ya zama Mataimakin Shugaban Majalisar Dattawa, ya yi iya kokarin sa wajen ganin an bude cibiyoyin karatu na National Open University of Nigeria (NOUN), a kowace karamar hukumar da take karkashin wakilcinsa. Wato a kananan hukumomi 13 dake a Kano ta Arewa.

A don haka ne Abba Anwar ke ganin cewa lallai Sanata Barau yayi zarra wajen tallafawa bangaren, inda ya kalubalanci tsohon mai gidansa Ganduje, amma a fakaice tare da gwamnan Kano Abba Kabir Yusuf su yi koyi da Sanata Barau wajen tallafawa bangaren ilimi.

Amma wani bincike da a ka yi an gano cewar tabbas Gandujen bai tallafi harkar ilimi a bangaren Kano ta Arewa din ba a gaba daya shekarunsa takwas a kan karagar gwamnatin Kano, kamar yadda Barau din ke yi a wadannan lokuta.

Musamman idan a ka duba irin daukar nauyin karatun dalibai tululu dan karatu a ciki da wajen Najeriya ba. Musamman kuma idan a ka kalli irin fannonin ilimi na zamani da Sanatan ke daukar nauyi.

Advertisement
Advertisements
Advertisement
Click to comment

Leave a Reply

Your email address will not be published. Required fields are marked *

Trending