Miliyoyin mutane sun yi asara yayin da gobara ta tashi a kasuwar Delta

DAGA KABIRU BASIRU FULATAN 

A ranar Larabar da ta gabata ne aka samu asarar kayyaki da kadarori na miliyoyin Naira a yayin da gobara ta kama wani sashe na babbar kasuwar Sapele da ke Sapele a jihar Delta.

Shaidu sun ce shagunan da ke kan titin Boyo kafin cocin St. Luke’s Anglican Church ne ya fi yin barna yayin da aka ga wutar gobarar daga shagunan, wanda hakan ya jefa ‘yan kasuwar cikin rudani a kokarinsu na kwato kayayyakinsu.

Kotu Ta Tabbatar Da Hukuncin Hana PDP Shiga Takarar Gwamna A Zamfara

Jaridar punch cewa jami’an kashe gobara na jihar Delta da aka yi kira da su taimaka wajen kashe gobarar ba su iya isa wurin ba sai bayan da gobarar ta yi barna.

PUNCH ta tattaro cewa gobarar ta ranar Laraba ita ce gobara ta biyu da aka samu a babbar kasuwar Sapele a cikin mako guda.

Kawo yanzu dai ba a iya gano musabbabin tashin gobarar, domin kuwa dukkan hannuwa ne a kan bene domin hana gobarar bazuwa zuwa wasu shaguna, yayin da ‘yan kasuwar ke sa ran zuwan jami’an kashe gobara.

Kokarin tattaunawa da ’yan kasuwar da abin ya shafa ya ci tura, inda suka ci gaba da kokawa kan asarar da suka yi.

Jami’in hulda da jama’a na rundunar ‘yan sandan jihar Delta, DSP Bright Edafe, ya kasa samun jin ta bakin jami’in hulda da jama’a na rundunar ‘yan sandan jihar Delta domin jin ta bakinsa kan lamarin har zuwa lokacin hada wannan rahoto.