2023: A ɗage zaɓe, idan ba haka ba zai zama ‘in conclusive’, Primate Ayodele ya faɗawa INEC

DAGA KABIRU BASIRU FULATAN 

Shugaban cocin INRI Evangelical Spiritual Church, Primate Elijah Ayodele, a yau Juma’a ya bukaci hukumar zabe mai zaman kanta ta kasa, INEC da ta dage ranakun gudanar da babban zaben domin kaucewa zaben da ba kammalalle ba.

Primate Ayodele ya bayyana cewa ba za a gudanar da zaben a wasu wuraren ba, inda ya ƙara da cewa ko da an yi shi a ranar da aka kayyade, to kuwa wasu za su yi masa zagon kasa.

Gobara Ta Kone Gidan Kwamishina

A wata sanarwa mai dauke da sa hannun mai taimaka masa kan harkokin yada labarai, Osho Oluwatosin, Ayodele ya ce idan har INEC na son a gudanar da zaben cikin nasara, akwai bukatar a dage zaben domin su kara shirya wa.

Ya ce: ‘’Idan INEC ba ta dage babban zaben ba, ba za a gudanar da shi a wasu wuraren ba kuma zai kai ga zama ‘inconclusive’. Akwai wasu da za su yi wa zaben zagon kasa a wadancan wuraren,”