Ka gaggauta bin umarnin kotun koli – SERP

Kungiyar kare hakkin al’umma da tattalin arzikin kasa ta bukaci shugaban kasa,  Muhammadu Buhari da ya bayyana irin matakan da gwamnatinsa ke dauka na gaggawa da kuma biyayya ga hukuncin da kotun koli ta yanke na tsawaita ingancin tsohuwar naira 200. N500, da kuma N1,000, tare da umurtar babban bankin Najeriya da ya ci gaba da karbar kudaden daga ‘yan Najeriya.”

SERAP ta bukaci Buhari da “ya fito fili ya umurci CBN da ya gaggauta aiwatar da hukuncin da kotun koli ta yanke na kawo karshen kayyade kudaden da bankuna ke sanyawa saboda irin wannan takunkumin ya keta ‘yancin ‘yan kasa na yin amfani da kadarorin su.

Pakistan ta haramta yaɗa jawaban tsohon firaministan ƙasar a kafofin yaɗa labarai

SERAP ta kuma bukaci shugaban kasar da ya bayyana matakan da gwamnatinka ke dauka na umurtar CBN da ta gaggauta sake raba tsofaffin takardun kudi na N200, N500, da kuma N1,000, kamar yadda kotun koli ta bayar da umarni.

A cikin wasikar mai dauke da kwanan watan 4 ga Maris, 2023 mai dauke da sa hannun mataimakin daraktan SERAP, Kolawole Oluwadare, kungiyar ta ce akwai bukatar jama’a da su wuce gona da iri wajen bayyana cikakkun bayanai kan matakan da gwamnati da CBN suke dauka na tabbatar da inganci da kuma gamsuwa da hukuncin kotun koli.