Ƴan sanda na neman amaryar da ta yi harbi da bindiga lokacin bikinta

Ƴan sanda a jihar Uttar Pradesh da ke Indiya na neman wata amarya wadda ta harba bindiga a lokacin bikin aurenta.

Wani faifain bidiyo da aka wallafa a shafukan sada zumunta ya nuna yadda matar ta yi harbi sau huɗu a sama, lokacin da take zaune a kusa da angonta.

Tanzania za ta shirya musabaƙar Ƙur’ani da ƙasashe irin su ‘yan Najeriya

Ƴan sandan yankin sun ce amaryar ta yi ɓatan-dabo tun bayan faruwar lamarin.

Harba bindiga lokacin bukukuwan aure domin nuna murna a jihohin arewacin Indiya ba baƙon abu ba ne, sai dai yakan haifar da asarar rayuka a lokuta da dama.

A shekara ta 2016 wata kotu a jihar ta Uttar Pradesh ta buƙaci a rinƙa yin bincike kan duk wani bikin aure da aka harba bindiga.

Wani ɗan’uwan amaryar ne ya naɗi bidiyon harba bindigar sannan ya watsa shi a shafin sada zumunta.