News
Tsoffin Daliban Makarantar CAS Ta Kano Sun Tallafawa Marayun Abokan Karatunsu Da Naira Miliyan 2.8
A wani yunƙuri na taimakon marayu da jin-ƙai, tsoffin ɗaliban makarantar share fagen shiga jami’a (CAS) ta Kano, ajin 2002, sun raba tallafin Naira miliyan 2,780,000 ga ƴaƴan abokan karatunsu da suka riga mu gidan gaskiya.
An gudanar da rabon tallafin ga marayu 73 a harabar makarantar a ranar Lahadi, inda lamarin ya haifar da motsin zuciya ga mahalarta taron.
Hukumar Shari’ah Da Kungiyar WAMY Sun Shirya Shan Ruwa Na Musamman Ga Wadanda Suka Musulunta A Kano
Shugaban kwamitin walwala na ƙungiyar, Mansur Tukur Hotoro, ya bayyana cewa ƴan ƙungiyar sun tara Naira miliyan 2.6 cikin wata guda, sannan suka ƙara Naira dubu 180 daga asusun ƙungiyar don cike gibin da ya rage.
A cewarsa, an raba Naira dubu 50 ga marayun da iyayensu su ka mutu ɗai-ɗai, yayin da masu iyaye biyu su ka samu Naira dubu 40 kowanne, sai masu uku kuwa an bai wa kowannensu Naira dubu 35.
“Mun fara wannan tallafi tun a shekarar 2024 don tunawa da iyalan abokan karatunmu da suka bar duniya. Mun kuduri aniyar ci gaba da wannan aiki har bayan rayuwarmu,” in ji Hotoro.
Ya kuma yi kira ga iyayen da aka barwa marayun da su kula da su yadda Addinin Musulunci ya koyar, tare da yin addu’ar Allah ya gafartawa mamatan.
Masarautar Hadejia: Tarihin Shekaru Dari na Turjiyar Hadejia ya Mamayar Yan Mulkin Mallaka — 1906-2026
Kano: Rasuwar Balarabe Nazeephy Ta Bar Babban Giɓi a Aikin Jarida
Tarauni 2027 : Yadda Hafizu Kawu Ya Daidaita Gasar Siyasa
MTN Ya Sanar Da Dakatar Da Tsarin Bayar Da Rancen Kati Da Data
Karo Da Tsuntsaye Ya Tilastawa Jiragen Sama Biyu Saukar Gaggawa A Abuja
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
