Kamfanin Amazon Na Shirin Sallamar Ma’aikata 600,000 Ta Hanyar Maye Gurbin Su Da Mutum-mutumi

Kamfanin Amazon, wanda shi ne na biyu a yawan ma’aikata a Amurka, zai sallami ma’aikata kusan 600,000 ta hanyar maye gurbin su da mutum-mutumi nan shekaru 10 masu zuwa.

Wani rahoton takardun cikin gida na kamfanin ne ta bayyana hakan, kamar yadda jaridar The New York Times ta Amurka ta wallafa.

A cewar rahoton, wannan dabarar na fitowa ne daga masu lura da ma’aikata na kamfanin da alkaluman su ke nuna cewa kamfanin na iya kauce wa ɗaukar fiye da mutum 160,000 da ake bukata a Amurka nan da shekarar 2027.

Ana Zargin Ɗa Da Kashe Mahaifinsa Saboda Hana Shi Ƙara Aure A Kano

Kamfanin dillancin kaya na Amazon ya taɓa bayyana cewa amfani da mutum-mutumi zai ba shi damar faɗaɗa kasuwancinsa zuwa ninki biyu na yawan kayayyakin da yake siyarwa nan da shekarar 2033, ba tare da ƙara yawan ma’aikata a Amurka ba.

Tarin takardun da aka tattara tare da hirarraki da jaridar ta gudanar ya nuna cewa wannan sauyi zai sa kamfanin ya zama ba ya buƙatar ɗaukar fiye da mutum 600,000 a cikin shekaru goma masu zuwa.

Sai dai Amazon ya ƙi amincewa da sakamakon binciken na jaridar.

A cikin wata wasika da ta aike wa The Independent, Amazon ya ce adadin mutum 600,000 ya fito ne daga wata takarda daga sashe guda na kamfanin, wanda ba shi da alaka da ɗaukar ma’aikata

AMINIYA