Tinubu Ya Nemi Amincewar Majalisar Dattawa Kan Ciwo Sabon Bashin Dala Biliyan 7.7

Advertisements

Shugaba Tinubu ya nemi amincewar Majalisar Dattawa domin karɓo sabon bashin kuɗaɗen waje har dala biliyan 7.7, kwatankwacin naira tiriliyan 10.79.

Tinubu ya gabatar da buƙatar ne a cikin wata wasiƙa da Shugaban Majalisar Dattawa, Godswill Akpabio, ya karanta yayin zaman majalisar na ranar Laraba.

Majalisar Dattawa Ta Yi Watsi Da Shirin Farfaɗo Da Kamfanin Jirgin Saman Nigeria Air

A cikin wasiƙar, shugaban ƙasar ya bayyana cewa ana buƙatar kuɗaɗen ne domin taimakawa wajen biyan gibin kasafin kuɗin shekarar 2026, wanda ya kai naira tiriliyan 20.2.

Shugaba Tinubu ya ce za a yi amfani da kuɗaɗen wajen gudanar da ayyuka da shirye-shirye a muhimman fannoni da suka haɗa da tsaro, sufuri, noma, wutar lantarki, ilimi da lafiya.

Ya kuma bayyana cewa bashin zai taimaka wajen ƙara yawan ajiyar kuɗaɗen waje na Najeriya da kuma ƙarfafa darajar Naira.

PUNCH