Sports
Paul Pogba: Barayi sun shiga gidan Pogba lokacin yana wasa da Atletico Madrid
Muslim yunus Abdullahi
Dan kwallon Manchester United, Paul Pogba ya ce barayi sun shiga gidansa lokacin da yake buga wasan Champions tsakaninsu da Atletico Madrid a ranar Talata.
An saka dan kwallon Faransa a cikin wasan ne lokacin ana minti 67 da soma wa kuma an shiga gaban United da ci daya.
Pogba yace “Abin da ya fi tsoratar da um shi ne fasa gidanmu lokacin ‘ya’yanmu na bacci a dakinsu”.
Mai hidiga a gidan tana nan lokacin da lamarin ya faru kuma Pogba ya ce zai bayar da tukwici ga “duk wanda ya taimaka wajen gano mutanen”.
Pogba na da yara biyu ‘yan shekaru uku da ɗaya.
Dan wasan mai shekaru 29 ya sake koma Old Trafford ne a shekara ta 2016 daga Juventus a kan fan miliyan 89.
A karshen kakar wasan bana kwangilarsa za ta kare a United.
“Da ni da matata muka yi sauri muka koma gida sai muka tarar da babu abin da ya samu ‘ya’yanmu,” in ji Pogba.
Dan kwallon Manchester City Joao Cancelo ya ji rauni lokacin da ‘yan daba suka nemi kutsawa gidansa lokacin bikin kirismeti.
Rikici Kan Rabon N8,000 Ya Yi Sanadiyyar Mutuwar Wani Matashi
Rami Ya Rufta Da Mutum 5 Masu Haƙar Zinari Ba Bisa Ƙa’ida Ba
Jami’an Yansanda Sun Kama Matashi Kan Zargin Kashe Dan Uwansa Da Matarsa A Kebbi
Ciyawa Mai Guba Ta Yi Sanadiyyar Mutuwar Shanu 80 A Adamawa
Dakarun Sojin Sun Hallaka’yan Boko Haram Sama Da 50 a Buni Gari A Yobe
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
Shekara Kwana: Shekaru 24 Kenan Da Hatsarin Jirgin Sama A Unguwar Gwammaja Dake Jihar Kano
Wasu Ƴan Daba Sun Kai Farmaki Kasuwar Siyar Da Wayoyi Ta Farm Center Dake Kano
Wasu Fusatattun Matasa Sun Ƙona Mutum Uku Har lahira A Filato
