NASA ta aika kumbo don ya tunkuɗe wani dutse da ke sullubowa kan duniyarmu

DAGA MUSLIM YUNUS ABDULLAH

Masana kimiyya sun aika wani kumbon sararin samaniya da ya faɗa kan wani dutse mai nisa a ƙoƙarin ture shi daga kan hanyarsa ta sullubowa zuwa duniyar nan tamu.

Hukumar binciken sararin samaniyan Amurka Nasa ta bayyana aikin a matsayin gwajin harkar tsaro na farko a duniyarmu ta Az (Earth) domin kare wani dutsen yin karo da ita nan gaba.

A cewar wakiliyar BBC dutsen na asteroid da ake kira Dimorphis ya fara bayyana ne a matsayin hasken wuta sannan ya fara kumbura yayin da kumbon zuwa sama yake tunkarar sa.

Za dai a ɗauki tsawon makonni kafin masanan su iya gano ko an samu cikas a yadda dutsen yake zagaye duniya.