ECOWAS Ta Bukuci A Gudanar Da Sahihin Zaben 2023 A Najeriya 

DAGA MUHAMMAD MUHAMMAD ZAHRADDIN 

Kungiyar bunkasa tattalin arzikin kasashen Yammacin Afirka ta ECOWAS ta roki hukumomin Najeriya da su tashi tsaye, wajen ganin kasar ta gudanar da karbaben zabe a shekara mai zuwa saboda muhimmancin ta ga Afirka baki daya.

Tawagar kungiyar da ta ziyarci Najeriya domin ganin shirin zaben a karkashin tsohon shugabar hukumar zaben Ghana, Dr Kwadwo Afari-Gyan, ta bayyana haka ne lokacin da ta gana da shugaban hukumar zabe Farfesa Mahmud Yakubu a birnin Abuja.

Sojoji sun tarwatsa masu zanga-zanga a Sudan

Shugaban bangaren siyasa na kungiyar ECOWAS, Dr Remi Ajibewa yace sun ziyarci Najeriya ne domin ganin yadda shirin zaben ke gudana kamar yadda dokar kungiyar ta tanada.

Ajibewa yace kudurorin kungiyar sashe na 11 da 12 da na 13 sun baiwa kungiyar damar tura jami’an sa ido kowacce kasa dake yankin duk lokacin da za’a gudanar da zaben shugaban kasa.

Saboda haka jami’in yace ziyarar da suka kai Najeriya ba itace ta farko ba, domin duk lokacin da za’a gudanar da zabe sukan yi haka.

Daraktan yace ECOWAS ta bayyana fatan ganin zaben na shekara mai zuwa ya gudana ba tare da matsala ba, saboda irin jagorancin da Najeriya ke bayarwa a yankin.