Airtel Ya Kaddamar da 5G A Jihohi 3,ciki harda  Abuja

DAGA KABIRU BASIRU FULATAN

A ranar Litinin ne kamfanin sadarwa na Airtel Nigeria ya kaddamar da tsarin sadarwar wayar salula na 5G a jihohi uku ciki harda abuja

Kaddamarwar  da kamfanin na Airtel ya kawo adadin masu amfani da layin sadarwa da ke ba da sabis na 5G zuwa uku a kasar.

MA SHA ALLAH, KWALLIYA TA BIYA KUDIN SABULU.

Tun farko dai MTN Nigeria da Mafab sun kaddamar da sabuwar fasahar sadarwa a bara da farkon wannan shekarar.

Yayin da MTN ke buda baki a jihohi da dama, har yanzu Mafab (MCom) bai kaddamar da ayyukansa na 5G ba tun da aka kaddamar da shi a watan Janairu.

Amma da yake magana yayin kaddamar da kafafen yada labarai da aka gudanar a Legas, Babban Jami’in Kamfanin Airtel na Najeriya, Carl Cruz, ya ce hanyar sadarwar za ta kawo dimokuradiyya ta ayyukan 5G a Najeriya.

Cruz ya ce masu amfani da layin Airtel za su ji daɗin sabis na bayanai cikin sauri da kuma sake fasalin ayyuka a wasu sassan tattalin arzikin da suka haɗa da telemedicine, noma, da sauransu.

Jaridar Daily trust ta rawaito cewa Sabbin bayanai daga Hukumar Sadarwa ta kasa  (NCC) sun nuna cewa a halin yanzu Airtel na da kashi 27.01 cikin 100 na masu amfani da wayar salula na kasa.