News
Ba za mu sake yarda da juyin mulki a Yammacin Afirka ba – Tinubu
DAGA KABIRU BASIRU FULATAN
Shugaban kasa Bola Ahmed Tinubu ya bayyana cewa ba za su sake yarda da juyin mulki a kasashen Yammacin Afirka ba.
Tinubu ya bayyana haka ne ranar Lahadi jim kadan bayan an zabe shi a matsayin shugaban kungiyar raya tattalin arzikin kasashen Yammacin Afirka ECOWAS mai kasashe mambobi 15.
“Dole ne mu jajirce kan mulkin Dimokuradiyya. Babu gwamnati da ‘yanci da doka idan babu dimokuradiyya. Ba za mu sake yarda da juyin mulki bayan juyin mulki a Yammacin Afirka ba.
Dimokuradiyya na da wahalar gudanarwa amma ita ce tsarin gwamnati mafi kyau,” in ji Shugaban na Ecowas.
Ya kara da cewa: “Babu wani a cikinmu da bai yi yakin neman zabe domin ya zama shugaba ba. Ba mu bai wa sojojinmu kudi da zuba jari a kansu da horar da su don su take ‘yancin jama’a ba…Kada mu zauna a Ecowas kamar kyanwar-lami.”
Sabon shugaban na Ecowas ya kuma yi gargadi kan yadda yankin na Yammacin Afirka ke fama da rashin tsaro sakamakon hare-haren ‘yan ta’adda.
Ya bayyana cewa ta’addanci da rashin tsaro suna matukar kawo koma-baya ga ci-gaban yankin.
Taron na Ecowas na 63 shi ne na farko da Shugaba Tinubu ya halarta tun bayan rantsar da shi a matsayin shugaban Nijeriya a ranar 29 ga watan Mayun 2023.
Wata Tankar Mai Ta Fashe A kaduna
An Kashe Ministan Tsaron Mali A Harin Ta’addanci
Zaɓen Shekarar 2027: Me Ya Sa Shugaban Tinubu Zai Iya Yin Nasara Ko Rashin Nasara
Shugaban Amurka Tare Da Mataimakinsa Sun Tsallake Rijiya Da Baya A Wani Harin Bindiga
Jami’an EFCC Sun Kama Ɗan Asalin Kamaru Bisa Zargin Damfarar Sama Da Naira Biliyan 1.5
Muhimmancin sada zumunci – Malam Jafar
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
DSS Sun Cafke Wata Matashiya Mai Yi Wa ‘Yan Bindiga Safarar Harsashai A Kano
