News
Yan Bindiga Sun Hallaka Kanal Din Soja A Gidansa Da Ke Abuja
Wani jami’in soja mai muƙamin Kanal, Abdussalam Ude, ya rasa ransa bayan wasu yan bindiga sun kai hari gidansa da ke unguwar Kurudu a Abuja.
Lamarin ya faru ne da yammacin ranar Litinin, jim kaɗan bayan ya dawo daga wurin aiki.
Jaridar Premium Times ta ruwaito cewa maharan sun yi ƙoƙarin sace Kanal ɗin ko kuma wani daga cikin iyalansa.
A yayin harin ne suka harbe shi har lahira, yayin da matarsa, direbansa da jami’in tsaronsa suka samu raunukan harbin bindiga, kuma aka garzaya da su asibiti domin samun kulawa.
Kanal Ude, wanda ya fito daga Jihar Enugu, ya kasance jami’i a Nigerian Army Intelligence Corps, inda ya riƙe muƙamai masu muhimmanci a fannin tattara bayanan sirri da yaƙi da ta’addanci.
Ya kuma taɓa aiki a ayyukan soji a Arewa maso Gabashin Najeriya da kuma ƙasashen Chadi da Faransa.
Har zuwa lokacin wallafa wannan labari, Rundunar Sojin Najeriya ba ta fitar da wata sanarwa a hukumance ba, yayin da jami’an tsaro suka fara bincike domin gano waɗanda suka kai harin da kuma dalilansu.
Jami’an NDLEA Sun Cafke Kwayoyin Tramadol Sama Da 370,000 A Motar ‘Luxurious’ Da Ke Kan Hanyar Zuwa Kano
Gwamnatin Kano Ta Musanta Zargi Ware N235.4m Domin Gina Makarantar Da Ba Ta Wanzu Ba A Sumaila
Za A Kara Wa Shugaba Tinubu Albashi Don Samun Nutsuwar Sauke Hakkin ‘Yan Najeriya
Kifewar Kwale-kwale Ta Yi Ajalin Manoma Biyar A Neja
Jami’an NDLEA Sun Cafke Miyagun Kwayoyi Da Darajarsu Ta Haura Biliyan 3
Jami’an Tsaro Sun Hallaka Ƴan Bindiga Sama Da 40 Tare Da Daƙile Wani Hari
Ayyuka, Bin Diddigi, Biyan Kudi, Sakamako: Dabarun Kano Da Suka Zarce Jihohi 35
Gwamnatin Kano Ta Umarci Masu Talla Da Masu Sana’ar Jari Bola Su Bar Karkashin Gadar Tal’udu
Tiriliyan ₦210 na Karya: Yadda Bala Wunti Ya Warware Dukkan Rudanin da Ya Mamaye Zaman Majalisar Dattawa Kan Asusun NNPC
