Gwamnatin kasar Kongo ta musanta ikirarin juyin mulkin kasar

DAGA MUHAMMAD MUHAMMAD ZAHRADDIN

Gwamnatin kasar kongo Brazzaville, ta karyata ikirarin cewa sojoji sun kori gwamnatin farar hula a yanzu karkashin jagorancin shugaban kasar Denis Sassou Nguesso.

Hakan na zuwa ne bayan wasu rahotanni da ba a tabbatar da su ba sun yi ikirarin cewa sojoji na kokarin hambarar da gwamnati da kuma kwace mulki.

Kungiyar Lauyoyin Ta Yaba Da Matakin Gwamnatin Kano Kan Korar Wasu Mukarrabansa.

Ministan yada labaran kasar, Thierry Moungalla, wanda ya kawar da fargabar ‘yan kasar, ya bayyana ikirarin a matsayin “labari na karya”.
“Muna tabbatar da ra’ayin jama’a game da kwanciyar hankali da ke mulki kuma muna gayyatar mutane don su ci gaba da ayyukansu cikin natsuwa,” in ji ministan a shafinsa na X ranar Lahadi.

Tsoron juyin mulkin a Kongo na zuwa ne makonni hudu bayan da wasu gungun hafsoshin soja a Gabon suka kwace mulki.

Sanarwar ta zo ne ‘yan mintoci bayan da hukumar zaben Gabon ta sanar da cewa shugaba mai ci Ali Bongo ya sake lashe wa’adi na uku, wanda ya tsawaita wa’adin rabin karni na iyalansa kan kasar mai arzikin man fetur a Afirka ta tsakiya mai miliyan 2.3.

Tare da nasararsa, juyin mulkin zai wakilci karo na 10 a yammacin Afirka da tsakiyar Afirka tun daga 2017.

Sojojin Nijar sun karbi ragamar mulkin kasar a watan Yuli, lamarin da ya haifar da girgizar kasa a yankin tare da jan hankalin kasashen da ke da dabarun yaki a yankin.

Wani labarin kuma Kungiyar Lauyoyin Ta Yaba Da Matakin Gwamnatin Kano Kan Korar Wasu Mukarrabansa.

A yayin da ake cigaba da samun cikas wajen balaguro a filin jirgin sama na Murtala Muhammed dake Legas, biyo bayan komawar da kamfanonin jiragen sama na kasashen waje suka yi zuwa sabuwar tashar jiragen sama, gwamnatin tarayya ta gayyaci kamfanonin jiragen sama na kasashen waje zuwa wani taro a yau.

A sakamakon haka, kwamitin da ministan harkokin sufurin jiragen sama, Festus Keyamo ya kafa domin duba rudanin tafiye-tafiye a filin jirgin sama naMurtala Muhammad da kwamitin ministoci zai gana da masu ruwa da tsaki a domin nemo bakin zaren da warware matsalar.

Fasinjojin kasa da kasa da suka tashi daga Najeriya a ranakun Laraba da Alhamis sun makale a biranen Legas da Cairo da Doha da Landan, da sauran wurare bayan da madaurin kaya na jirgi ya lalace a sabon filin jirgin saman Murtala Muhammed da ke Legas, al’amarin da ya tilastawa kamfanonin jiragen sama jinkirtawa tare da soke tashin jirage.

Har yanzu zuwa karshen mako matsalar tafiye-tafiye na ci gaba da wanzuwa inda fasinjojin ke kwashe sa’o’i a kan layi domin tantance su ta hanyar binciken tsaro