Mai ƙwacen waya’ da mota ta buge a jihar Kano ya rasu

DAGA YASIR SANI ABDULLAHI

Wani matashi da ake zargi da ƙwace wa wata mata waya a Kano ya rasa ransa sanadiyyar raunukan da ya samu bayan mota ta buge shi a lokacin da yake yunƙurin tserewa.

A wata sanarwa da ya wallafa a shafinsa na facebook, mai magana da yawun ƴan sandan Najeriya a jihar Kano, Abdullahi Haruna Kiyawa, ya ce mutumin ya rasu ne a yau Talata a sibitin Murtala da ke Kano.

Wasu ‘Yan Bindiga Sun Sace Dalibai Mata 2 Na Jami’ar Al-Qalam

A ranar Litinin rundunar ƴan sandan ta tabbatar da cewa wata mota ta kaɗe wani ɗan ƙwacen waya a titin zoo road da ke Kano.

Bayan haka ne aka garzaya da shi asibiti, inda aka tabbatar cewa ya samu karyewar kashin baya da kuma fashewar kai.