Sheikh Aminu Daurawa Ya Zama Malami Mafi Tarin Mabiya A Shafin Facebook

DAGA YASIR SANI ABDULLAHI 

Fitaccen malamin addinin Musulunci a Najeriya, Sheikh Aminu Daurawa ya zama Malamin da ya fi kowanne Malami tarin mabiya a shafin Facebook a tsakankanin malaman addinin Musulunci da ke amfani da shafin a arewacin ƙasar.

Sheikh Aminu Daurawa wanda shi ne shugaban hukumar Hizba ta jihar Kano, ya kasance yana da mabiya guda Miliyan Ɗaya da Dubu Ɗari Huɗu kamar yadda binciken Yax Mokwa ya bayyana.

Tashin Kayan Masarufi Na Barazanar Durƙusar Da Kasuwanci A Kano —Yan Kasuwa

Yax Mokwa wanda ɗan asalin jihar Niger ne kuma mai yin sharhi akan al’auran yau da kullum ya gudanar da binciken ne a tsakanin fitattun malaman addinin Musulunci guda 15 da ke Arewacin Najeriya.

Jerin Malaman Addinin Musulunci Da Adadin Mabiyansu A Shafin Facebook

Jerin Malaman Da Aka Gudanar Da Binciken Akan su

Malaman sun haɗa da:

Sheikh Aminu Ibrahim Daurawa

Sheikh Isa Ali Pantami

Sheikh Abdulwahab Abdallah

Sheikh Dr. Ahmad Mahmoud Gumi

Sheikh Ahmad Guruntum

Sheikh Bashir Aliyu Umar

Sheikh Abdallah Usman Gadon Kaya

Sheikh Kabiru Haruna Gombe

Sheikh Muhammad Nuru Khalid

Sheikh Ibrahim Maqari

Sheikh Muhammad Bin Usman

Sheikh Mansur Sokoto

Sheikh Ibrahim Saleh

Sheikh Mustapha Albarnawi

Sheikh Abdullahi Bala Lau

Tun lokacin da shafukan sada zumunta na zamani suka ɓullo jama’a ke amfani da su domin biyan buƙatu daban-daban.

Malamai da dama ne ke rungumar shafukan sadarwa na zamani domin isar da sakonni ga mabiyansu da kuma aikewa da nasihohi da fadakarwa ta hanyar wallafa ayoyin Al-Kur’ani da hadisan Manzon Allah, Annabi Muhammadu (S.A.W) da kuma fahimtar malamai a kan matsalolin rayuwa da yadda za a shawo kan su.