DA DUMI DUMI:  An ga watan babbar sallah a Saudiyya

DAGA YASIR SANI ABDULLAHI 

Hukumomin Saudiyya sun sanar da ganin jinjirin watan Dhul Hijjah a yau Alhamis.

Cikin wata sanarwa shafin Haramain ya wallafa a shafinsa na X, ya ce gobe Juma’a ne ɗaya ga watan na babbar salla.

Da Dumi-Dumi: Wale Edun Ya Mika Wa Shugaba Tinubu Sabon Tsarin Mafi Karancin Albashin Ma’aikata 

Hukumomin na Saudiyya sun kuma ce ranar Asabar 15 ga watan Yuni ne za a yi tsayuwar Arafa, yayin da za a yi Idin babbar sallah ranar Lahadi 16 ga watan na Yuni.

Tuni dai miliyoyin maniyyata ke ci gaba da isa Saudiyya a ƙoƙarinsu na aiwatar da ibadar aikin Haji.