News
Yan Daba Sun Kashe Abokin Ango A Taron Ɗaurin Aure
DAGA NUSAIBA ABDULLAHI
’Yan daba sun kashe wani ɗan shekara 25 a wurin taron ɗaurin auren babban abokinsa a Jihar Neja.
Matashin, mai suna Murtala Hassan, wanda shi ne babban abokin ango ya gamu da ajalinsa ne a yayin da yake rabon faɗa a wurin bikin auren a unguwar Barkin-Sale da ke garin Minna.
Mun Kama Masu Kwacen Wayoyi 1372, Da Masu Fadan Daba Sama Da 3000 — Anti Snatching Force
Shaidu sun ce matashin wanda ke sana’ar ɗinki ya rasu ne bayan an soka masa wuƙa a rikicin ƙungiyoyin ’yan daba masu gaba da juna ranar Lahadi da misalin ƙarfe 10 na dare.
Wani mazaunin unguwar Barikin-Sale ya ce, rikicin kungiyoyin an daɗe ana yin sa, ya ƙi ci ya ƙi cinyewa.
Kakakin ’yan sanda a Jihar Neja, SP Wasiu Abiodun, ya tabbatar da faruwar lamarin da cewa sun samu rahoton kashe matashin a lokacin da yake ƙoƙarin raba faɗan ɓata-gari.
Ya ce ’yan sanda sun je sun ɗauke gawar a wurin inda suka kama mutum guda da ake zargi, amma ana ci gaba da bincike domin gano gaskiyar lamarin kamar yanda Jaridar AMINIYA ta ruwaito
Tirela Ta Kife A Gadar Lado Da Ke Kano
Idan Har Kalashnikov Ya Yi Nadamar Kirkirar AK-47, Najeriya Ma Za Ta Iya Dakile Tashin Hankalin Siyasa
Iran Ta Mayar Da Martani Ga Masu Shiga Tsakani Na Pakistan Kan Shawarar Amurka Ta Kawo Ƙarshen Yaƙi
An Ci Tarar Ɗan Najeriya Da Matarsa Dala Miliyan 1 Kan Sare Bishiyoyi Ba Bisa Ka’ida Ba A Amurka
Kuskuren Harin Dakarun Sojin Sama Ya Sake Hallaka Tarin Fararen Hula A Neja
Shekara Kwana: Shekaru 24 Kenan Da Hatsarin Jirgin Sama A Unguwar Gwammaja Dake Jihar Kano
Wasu Ƴan Daba Sun Kai Farmaki Kasuwar Siyar Da Wayoyi Ta Farm Center Dake Kano
Wasu Fusatattun Matasa Sun Ƙona Mutum Uku Har lahira A Filato
Kujerar Mataimakin Gwamna : Jaddada Matsayata Da Kalubalantar MUNAFUKAI
