News
Jami’an Hukumar NDLEA Sun Cafke ‘Yar Indiya Da Hodar Iblis Kilogiram 11 A Filin Jirgin Kano
Jami’an Hukumar Yaki da Sha da Fataucin Miyagun Kwayoyi ta Kasa, NDLEA, sun cafke wata mata ‘yar kasar Indiya mai suna Neetu Neetu, ‘yar shekara 42, a filin jirgin saman Mallam Aminu Kano dauke da hodar iblis mai nauyin kilogram 11 da aka boye a cikin ledodi masu kamannin kwallan cokolate.
An kama Neetu ne yayin da jami’an NDLEA ke bincike kan sahihan bayanan sirri da suka samu yayin shigowarta daga jirgin Qatar Airways QR1431 daga Bangkok, Thailand ta Vietnam da Doha, a ranar Juma’a 14 ga Maris 2025.
Hukumar ta bayyana cewa an samu bayanan sirri kafin kama ta, wanda hakan ya sa aka yi mata bincike mai zurfi har aka gano muggan kwayoyin da aka ɓoye.
Shugaban NDLEA, Birgediya Janar Mohamed Buba Marwa (Rtd), ya bayyana cewa wannan kama wata alama ce da ke nuna yadda ‘yan kasuwar miyagun kwayoyi ke ƙara amfani da bakin-haure wajen shigowa da kayan maye cikin Najeriya. Ya kuma yaba da kokarin jami’ansa na dakile irin waɗannan haramtattun ayyuka.
Wani Matashi Dan Kano Ya Yanke Gaban Sa
Ƴan Bindiga Sun Hallaka Mutum 5 A Kano
Shugaba Tinubu Na Tattaunawa Da Bankin Duniya Kan Sabon Bashin Dala Biliyan 1.25 —Rahoto
BA TA DA RUNDUNAR SOJA: Yadda Ƙasar Costa Rica Ke Kare Ƙasarta Da Jami’an ’Yan Sanda
‘Yan Bindiga Sun Harbi Uba Da Ɗansa Tare Da Kwashe Dabbobi Masu Yawa A Katsina
Shekara Kwana: Shekaru 24 Kenan Da Hatsarin Jirgin Sama A Unguwar Gwammaja Dake Jihar Kano
Wasu Ƴan Daba Sun Kai Farmaki Kasuwar Siyar Da Wayoyi Ta Farm Center Dake Kano
Wasu Fusatattun Matasa Sun Ƙona Mutum Uku Har lahira A Filato
Kujerar Mataimakin Gwamna : Jaddada Matsayata Da Kalubalantar MUNAFUKAI
