El-Rufa’i Ba Zai Iya Kwatanta Gwanin Siyasa da Kwankwaso Ba” — Bashir A. Bashir

Comrade Bashir A. Bashir, hadimin kwamishinan yaɗa labarai na jihar Kano, ya bayyana cewa tsohon gwamnan jihar Kaduna, Malam Nasiru El-Rufa’i, ba zai taɓa iya kwatanta irin hazaka da gwanintar siyasa da Sanata Rabiu Musa Kwankwaso ke da ita ba.

‎Bashir ya ce, “Kwankwaso ba kawai jama’a ke biye masa bane, akwai wata baiwa ta musamman da Allah ya hore masa da take sanya shi zama zakaran gwajin dafi a fagen siyasar Najeriya.”

‎Kotu Ta Yanke Wa Matashi Hukuncin Shekara Daya A Gidan Yari Kan Satar Keke 

‎Ya ci gaba da cewa, duk da irin shaharar El-Rufa’i a arewacin Najeriya, ba zai iya shiga sahun Kwankwaso ba wajen karɓuwa a zukatan jama’a da kuma kwarewa a tafiyar da harkokin siyasa.

‎Wannan jawabi na zuwa ne a daidai lokacin da ake ta muhawara a kafafen sada zumunta kan irin tasirin da manyan ‘yan siyasar arewa ke da shi, musamman a shirye-shiryen zabukan gaba.

‎Comrade Bashir ya kammala da cewa, “Kwankwasiyya ba ƙungiya bace kawai — falsafa ce, ra’ayi ne, da kuma motsi na kwarai da ke da tushen karɓuwa daga al’umma. Wannan wani abu ne da babu wanda zai iya kwaikwaya.”