News
Jami’ar Umaru Musa Yar’adua Ta Kori Dalibai 57 Kan Laifin Satar Amsa
Jami’ar Umaru Musa Yar’adua da ke jihar Katsina ta kori ɗalibanta 57 bayan kama su da laifin satar amsa da kuma aikata maguɗi a lokacin jarabawa.
Kakakin jami’ar, Hajiya Fatima Sanda, ce ta bayyana hakan a wata sanarwa da ta fitar a safiyar Asabar, inda ta ce majalisar jami’ar ta amince da hukuncin ne bayan karɓar rahoton kwamitin ladabtarwa da ya gudanar da bincike kan laifukan da suka shafi jarabawa.
Ambaliya Ta Halaka Mutane 165, Yayin Da Wasu 82 Suka Bace A Bana – NEMA
Haka kuma, jami’ar ta dakatar da wasu ɗalibai biyar na tsawon shekara guda, yayin da aka fitar da takardar gargaɗi ga wasu biyu da aka samu da aikata laifin satar amsa ko maguɗin jarabawa.
Bugu da ƙari, an dakatar da wasu ɗalibai biyar na tsawon shekarar karatu biyu, tare da soke dukkan jarabawarsu da aka gano sun aikata laifi a kansu.
Jami’ar ta jaddada cewa ba za ta lamunci satar amsa, maguɗi ko wata irin rashin ɗa’a daga cikin ɗalibanta ba, tana mai cewa za ta ci gaba da ɗaukar matakai masu tsauri don kare darajar tsarin karatu da martabar jami’ar.
Kotu Ta Umarci A Ƙwace Kadarorin Naira Biliyan 212.8 Da Aka Alaƙanta Da Tsohon AGF, Abubakar Malami
Shugaba Tinubu Ya Amince Da Ware Naira Biliyan 3.6 Domin Tallafa Wa Masu Sana’ar Ɗinki
Hisbah Ta Haramta Sana’ar Tura Fina-finai Da Waƙoƙi A Kano
“Boka Ne Ya Umarce Ni Na Kashe Ƙanwar Mahaifina Da ’Ya’yanta Shida” — Umar Auwalu A Kotu
Zaɓen 2027: Kungiyoyin Fararen Hula Sun Bukaci Dakatar Da Gangamin Siyasa A Kano
Akwai Yiwuwar Ƙara Kuɗin Kiran Waya Da Aika Saƙo A Najeriya
Farashin Fetur Na Iya Sauka Zuwa Naira 900 Kan Kowace Lita —Masana
An Kama Mutum Takwas Saboda Yada Labaran Karya A Najeriya
Jami’an Ƴansanda Sun Kama Wani Mutum Da Wayoyin Sata Guda 36
