News
Mutum Ɗaya Ya Rasu, Huɗu Sun Jikkata Sakamakon Rushewar Gini a Kano
Mutum ɗaya ya rasu, yayin da wasu huɗu suka jikkata bayan wani gini ya rushe a titin Sultan da ke unguwar Nasarawa GRA a birnin Kano, ranar Juma’a.
Babban Sakataren Hukumar Ba da Agajin Gaggawa ta Jihar Kano (SEMA), Alhaji Isyaku Lawan Kubarachi, ya ce jami’an ceto tare da haɗin gwiwar al’umma sun ciro mutum biyar daga ƙarƙashin ginin da ya rushe.
Ya ce abin takaici, ɗaya daga cikin waɗanda aka ceto ya rasu ne sakamakon munanan raunukan da ya samu, yayin da sauran huɗun ke ci gaba da karɓar kulawar likitoci.
Kubarachi ya buƙaci masu gine-gine da jama’a su riƙa bin ƙa’idojin aikin gini, tare da tabbatar da cewa ƙwararrun injiniyoyi ne ke kula da duk wani aikin gini domin kare rayuka da dukiyoyi daga irin waɗannan haɗurra.
Ya kuma isar da saƙon ta’aziyyar Gwamnatin Jihar Kano ga iyalan mamacin, tare da yi wa waɗanda suka jikkata addu’ar Allah Ya ba su lafiya cikin gaggawa.
An Daure Matashi Shekaru 10 Bayan Amfani Da ChatGPT Wajen Shirya Fashin Banki
Aƙalla Mutane Biyar Ne Suka Rasa Rayukansu Sakamakon Rikici A Tashar Mota
Dino Melaye Ya Yi Barazanar Maka Shugaban Hukumar Haraji Ta Kasa A kotu
Jami’an ’Yan Sanda Sun Ceto Mutane Uku Da Aka Yi Garkuwa Da Su A Makarfi
Pantami Da Yaransa Sun Fantama Min Ƙarya, Domin Babu Inda Na Ba Shi Haƙuri, Inji Hajiya Naja’atu Muhammad
Gwamnatin Kano Ta Umarci Masu Talla Da Masu Sana’ar Jari Bola Su Bar Karkashin Gadar Tal’udu
Jami’an Tsaro Sun Hallaka Ƴan Bindiga Sama Da 40 Tare Da Daƙile Wani Hari
Ban Taɓa Nadamar Adawa Da Yunƙurin Obasanjo Na Wa’adin Mulki Karo Na Uku Ba — Atiku
Gwamna Abba Kabir Yusuf Ya Kai Ziyarar Ba Zata Asibitin Kwararru Na Best Choice Dake Kano
