Uba Da Ɗansa Sun Ƙone Kurmus Sakamakon Hatsarin Mota A Jos

Wani mutum da ɗansa sun mutu bayan sun ƙone kurmus sakamakon wani mummunan hatsarin mota da ya faru a yankin Sabon Barki, Ƙaramar Hukumar Jos ta Kudu, a Jihar Filato.

Hatsarin ya faru ne ranar Lahadi, lokacin da wata babbar mota ta yi karo da babur mai ƙafa uku, lamarin da ya yi sanadin mutuwar mutanen biyu tare da jikkata wasu mutane uku.

Kotu Ta Yi Watsi Da Karar El-rufai Ta Neman Diyyar Naira Miliyan 120 Kan DSS, EFCC Da ICPC

Hukumar Kiyaye Haɗurra ta Ƙasa (FRSC) ta tabbatar da aukuwar lamarin, inda ta ce an tabbatar da mutuwar mutanen biyu a wurin da hatsarin ya faru.

Hukumar ta ƙara da cewa an garzaya da sauran mutanen da suka jikkata zuwa asibiti domin samun kulawar likitoci.

Lamarin ya sake jaddada muhimmancin bin dokokin hanya da kuma yin taka-tsantsan wajen tuki domin rage haɗurra da asarar rayuka a kan hanyoyin mota.

PUNCH