Sports
Liverpool ta sha da kyar a hannun Brighton a Anfield
DAGA MUHAMMAD MUHAMMAD ZAHRADDIN
Liverpool da Brighton sun tashi 3-3 a wasan mako na takwas a gasar Premier League da suka fafata a Anfield ranar Asabar.
Liverpool, wadda take da kwantan wasa da Chelsea, ta karbi bakuncin Brighton, bayan da aka kammala wasannin kasa da kasa da aka yi a karshen mako.
Minti hudu da fara wasa Brighton ta ci kwallo ta hannun Leandro Trossard, sannan minti 14 tsakani ya kara na biyu.
Liverpool ta zare daya ta hannun Roberto Firmino tun kan hutu, sannan ya farke bayan da suka koma zagaye na biyu.
Daga nan Liverpool ta ci na uku, bayan da Adam Webster ya ci gida, sai dai kuma saura minti bakwai a tashi daga karawar Leandro Trossard ya farke, kuma na uku da ya ci wa Brighton a wasan.
Kawo yanzu Liverpool ta yi karawa 27 a Anfield ba tare da an doke ta ba, wadda ta yi nasara a fafatawa 20.
Wasan farko da sabon kocin Brighton Roberto De Zerbi ya ja ragama kenan, bayan maye gurbin Graham Potter, wanda ya koma aiki a Chelsea.
Masu horar da tamaula biyar a baya sun sha kashi a wasansu na farko a Anfield.
Da wannan sakamakon Liverpool ta hada maki 10, bayan cin wasa biyu da canjaras hudu da rashin nasara daya kenan.
Liverpool za ta fafata a wasan gaba da Rangers a Champions League, ita kuwa Brighton za ta kece raini da Tottenham a karawarta ta gaba a Premier League.27
BBC
Farfesa Adamu Gwarzo: Jagoran Da Ke Daga Darajar Ilimi Da Ci gaban Dan Adam A Afirka
’Yansanda Sun Cafke Mutum 7 Kan Garkuwa Da Yaro Mai Shekara 8 A Katsina
Alƙalin Babbar Kotun Tarayya Ya Rasu Bayan Faɗuwa A Gidansa Da Ke Kano
Zan Dauki Matakin Shari’a A Kan Duk Wanda Ya Kara Cewa Ina Bai Wa ‘Yan bindiga Kariya —Sheikh Gumi
Jami’an Yansanda Sun Kama Matashi Kan Kashe Kakansa Da Wuka
Wani Matashi Dan Kano Ya Yanke Gaban Sa
Shekara Kwana: Shekaru 24 Kenan Da Hatsarin Jirgin Sama A Unguwar Gwammaja Dake Jihar Kano
KANO: ‘Yan Bindiga Sun Hallaka Mutum 2 A Gwarzo
Wasu Ƴan Daba Sun Kai Farmaki Kasuwar Siyar Da Wayoyi Ta Farm Center Dake Kano
