Dan takarar gwamna na ADP ya taya Barista Aisha Dankani murnar cika shekaru 60 da haihuwa.

DAGA YASIR SANI ABDULLAHI 

Dan takarar gwamna na jam’iyyar Action Democratic Party kuma dan majalisar wakilai a mazabar Kano Municipal, Honourable Shaaban Ibrahim Sharada ya taya Barista Aisha Dankani murnar cika shekaru 60 da haihuwa.

Dan takarar ya bayyana hakan ne a wata sanarwa da majalisar yakin neman zaben  gwamna ta fitar.

Mutum 440 Cikin Wadanda Buhari Ya Ba Wa Lambar Yabo Ya Kamata Suna Gidan Yari a cewar Buba Galadima.

Honarabul Shaaban Ibrahim Sharada ya bayyana Hajiya A’isha Dankani a matsayin mace ta kwarai kuma mai kwazo a tsakanin matan Najeriya. Ya ce ita wata kadara ce wadda za a iya amfani da gogewarta da rawar da take takawa a kamfanoni masu zaman kansu da na gwamnati wajen ciyar da Kano da Najeriya gaba.

Hajiya Aisha Dankani wacce a halin yanzu ita ce ‘yar takarar Sanatan Kano ta tsakiya a jam’iyyar Action Democratic Party a Kano, ta cancanci a yi murna saboda irin da cewar  da ta yi a ma’aikatan gwamnatin tarayya da kungiyoyi daban-daban na duniya kamar kungiyar masana’antu da ci gaban Majalisar Dinkin Duniya UNIDO. Ta kasance Darakta a sassa daban-daban da hukumomin gwamnatin tarayya kuma ta taba zama Sakatare na dindindin.

‘Dan  takarar Gwamna yaa ce a wannan lokaci mai wuyar gaske da shugabanci nagari da aiwatar da doka suka kaurace wa Kano da Najeriya baki daya, kasancewar mace mai kishi, kare da haziki irin su Hajiya A’isha Dankani zai zama wani abin alfahari ga shirin ci gaban kowace Gwamnati.

“Ba tare da wata shakka ba Barrister Aisha ta cika shekaru sittin da haihuwa ta gabatar da ita a matsayin daya daga cikin kwararrun kwararrun fasahar kere-kere da Kano da Najeriya suka samar tun bayan kammala karatunta a shekarar 1985 a Kwalejin Shari’a ta Jami’ar Bayero Kano. Ta kuma yi aiki a matsayin Majistare, Darakta a Fadar Shugaban Kasa, Ofishin SGF, Ma’aikatar Harkokin Mata, Sashen bincike na Tsare-tsare da kididdiga da sauransu.

A madadin kaina, da iyalina, al’ummar mazabar Municipal Tarayya da daukacin magoya bayan jam’iyyar ADP na taya Barista Dankani, MFR, Mni murnar cika shekaru sittin na hidima ga bil’adama.”

Mai fatan Gwamnan Kano yace idan ADP ta hau mulki a 2023, Hajiya A’isha Dankani a matsayin Sanata. Sannan mafi kyawun manufofin mata da yara da sauran al’amuran cigaba zasu kasance kan gaba a manufofin gwamnatin sa.