News
Donald Trump Ya Musanta Dukkan Laifukan Da Ake Tuhumarsa Da Aikatawa
Tsohon Shugaban Kasar Amurka, Donald Trump, kuma dan takarar jam’iyyar Republican a zaben 2024, ya musanta aikata laifuka 34 da ake tuhumarsa da aikatawa.
Trump ya ki amsa laifinsa ne lokacin da ya bayyana a kotun hukunta manyan laifuka ta Manhattan a ranar Talata a birnin New York, kamar yadda kafafen yada labarai suka rawaito.
Mutane 447 Ne Su Ka Kamu Da Cutar Amai-da-Gudawa a Jihohi 6 – NCDC
Tsohon shugaban ya shafe kusan awa biyu a kotun ana gudanar da bincike tare da gurfanar da shi a gaban kuliya.
Da yammacin Laraba ne ake sa ran zai koma Florida inda zai gabatar da jawabi a wajen taronsa na Mar-a-Lago, amma an tsare shi bayan halartar zaman kotun.
An gurfanar da shi a makon da ya gabata, Trump ya zama na farko a cikin tsoffin shugabannin Amurka da zai fuskanci tuhume-tuhume, kan shari’ar da ta shafi biyan kudi a 2016 ga tauraruwar fina-finan badala, Stormy Daniels.
A halin da ake ciki, sakataren yada labaran fadar White House a ranar Talata ta ki cewa komai kan tuhumar da ake yi wa Trump da kuma gurfanar da shi a gaban kuliya.
Karine Jean-Pierre ta ki amsa duk wata tambaya kan tuhumar da ake yi wa Trump a yayin taron manema labarai.
A cewar Jean-Pierre, Joe Biden ya mayar da hankali ga jama’ar Amurka ne, ba abin da ya shafi maganar wani daban ba.
Makafi 135 Ne Suka Rubuta Jarrabawar JAMB A Kano
Kotun Koli Ta Dage Sauraron Shari’ar Masarautar Kano Zuwa 2027
Fashin Offa: Ofishin Mai Shigar Da Ƙara Ya Wanke Saraki Tun 2018
Kashi 7 Cikin 100 Na Kudin Sayen Makamai Kacal Aka Damka Wa Sojoji A 2025 —Rahoto
Gobara Ta Lakume Albasar Sama Da Naira Miliyan 56 A Sakkwato
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
