Hukumar Abuja za ta rusa gidaje 200 don gina filin saukar jirgin shugaban ƙasa

DAGA MUHAMMAD MUHAMMAD ZAHRADDIN

Ministan Babban Birnin Tarayya, Nyesom Wike, ya umurci daraktan sashen kula da cigaban ƙasa da ya tabbatar da cewa al’ummar Nuwalege da ke kan titin filin jirgin sama sun ba da fili don gina filin saukar jirgin shugaban ƙasa.

Blueprint ta ruwaito cewa Umarnin ya biyo bayan buqatar da rundunar sojin saman Nijeriya ta gabatar.

Babban Bankin kasa CBN ya cire haramcin amfani da kuɗin crypto a bankunan Najeriya

Da ya ke magana ta bakin Daraktan, Mukhtar Galadima yayin wani taron al’umma da ’yan ƙasa a ranar Talata a Abuja, Ministan ya yi nuni da cewa, ya zama wajibi al’umma su ba da damar cigaba.

A cewarsa, “Kimanin wata guda da ya gabata ne hukumar sojin saman Nijeriya ta rubuta wa mai girma minista takarda kan buƙatarsu da kuma buaatar son wannan ƙauyen, domin yana daga cikin shirye-shiryen rundunar shugaban ƙasa.

A wani labarin kuma Babban Bankin kasa CBN ya cire haramcin amfani da kuɗin crypto a bankunan Najeriya

Babban Bankin Najeriya CBN ya sauya matsayarsa kan hada-hada da kuɗin intanet ko kuma cryptocurrency a ƙasar.

Jaridar Daily Trust ta ruwaito wata sanarwa da bankin ya fitar ranar Juma’a da ke umartar bankunan kasuwanci na Najeriya cewa su yi watsi da haramcin da ya saka kan amfani da kuɗin na crypto tu a 2021.

CBN ya ce yadda ake yayin kuɗin na crypto yanzu a faɗin duniya ya nuna irin buƙatar da ake da ita ta saka dokoki a kan sa.

“A watan Fabarairun 2021 CBN ya haramta wa bankuna da sauran cibiyoyin kuɗi amfani da cryptocurrency saboda almundahanar kuɗi da kuma ɗaukar nauyin ta’addanci,” in ji sanarwar.

“Sai dai kuma, abin da ke faruwa a duniya ya nuna cewa akwai buƙatar a kula da dukiyoyin hada-hada ta intanet wato Virtual Assets Service Providers (V/ASPs).”

Ya ƙara da cewa hukumar kula da hada-hada da hannayen jari za ta fitar dokoki da sharuɗɗan amfani da dukiyoyoin intanet ɗin.

Amma babban bankin ya jaddada haramcin yin kasuwanci, ko kuma mallakar asusun crypto ga bankunan kasuwancin su da kansu