News
Isra’ila ta kashe shugaban Hamas Ismail Haniyeh
DAGA YASOR SANI ABDULLAHI
An kashe shugaban Hamas Ismail Haniyeh a Iran, a cewar wata sanarwa da ƙungiyar da kuma jami’an gwamnatin Iran suka fitar.
Hamas ta ce Isra’ila ce ta kashe shugabanta ranar Laraba da sanyin safiya a samamen da ta kai a gidansa da ke Tehran.
A wata sanarwa da ta fitar, ƙungiyar ta bayyana juyayin rasuwar Haniyeh, mai shekara 62, wanda “miyagu masu tsananin kishin kafa ƙasar Isra’ila” suka kashe a gidansa da ke Tehran.
Haniyeh, wanda fitacce ne a fafutukar kare haƙƙin Falasɗinawam ya daɗe yana gwagwarmaya kan kisan ƙare-dangin da Isra’ila take yi a Gaza.
Gwamnatin Iran ta ce ta ƙaddamar da bincike kan kisansa, wanda take sa ran fitar da sakamakonsa nan ba da jimawa ba.
“An kai hari a gidan shugaban ɓangaren siyasa na Hamas, Ismail Haniyeh a Tehran, kuma sakamakon hakan shi da ɗaya daga cikin masu tsaron lafiyarsa sun yi shahada,” in ji wata sanarwa da shafin intanet na Sepah, mallakin rundunar Islamic Revolutionary Guard Corps ya wallafa.
Kawo yanzu babu wanda ya ɗauki alhakin kisan, sai dai ana zargin Isra’ila da aikata shi, domin kuwa ta daɗe da shan alwashin kashe Haniyeh da sauran shugabannin ƙungiyar Hamas.
KANO: Kwamitin Binciken KNUPDA Ya Buɗe Karɓar Ƙorafe-Ƙorafe Da Shawarwarin Jama’a
Gwamnatin Kano Ta Ƙaddamar Da Sabon Shirin Wayar Da Kan Matasa Kan Rajistar Zaɓe
Jihar Kano Ce Ke Kan Gaba Wajen Yawan Masu Sabbin Rajistar Katin Zabe 441,845
Jam’iyyar NRM Ta Yi Barazanar Kai Karar Bashir Ibrahim Rogo Kotu Kan Ikirarin Shi Ne Ɗan Takarar Gwamnan Kano
KPCF Ta Yaba Wa Waiya Kan Inganta Hulɗar Gwamnati Da Jama’a A Kano
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
