Dakarun Sojin Sun Ceto Yaran Da Aka Sace Daga Gidan Marayu

Rundunar Sojin Nijeriya a ranar Alhamis ta ce dakarunta sun yi nasarar ceto yara bakwai da manya biyu da aka yi garkuwa da su daga wani gidan marayu a watan da ya gabata.

Sace mutane da yawa da ‘yan fashi da kungiyoyin makamai ke yi ya kasance babban ƙalubale a ƙasar ta Afirka mafi yawan jama’a, musamman a yankunan karkara.

Kotu Ta Daure Wani Limamin Masallacin Juma’a Wata 1 Kan Tura Bidiyon Tsaraici Ga Matar Aure A Kano

A ƙarshen Afrilu, ‘yan bindiga sun kai hari wani gidan marayu da ba a yi masa rijista ba a tsakiyar jihar Kogi, inda suka sace yara 23 da wasu manya.

Yawancin yaran an ceto su jim kaɗan bayan sace su, amma bakwai har yanzu ba a same su ba.

Rundunar Sojin Nijeriya a cikin wata sanarwa ta ce dakarunta “sun samu nasarar ceto sauran waɗanda aka sace” bayan “dogon aikin bincike da ceto”.

Wadanda aka ceton sun kunshi samari biyar, yara mata biyu da mata manya biyu, ana kyautata zaton su ne matan mai gidan marayun”, in ji rundunar.

“Ana aiki ba bisa doka ba”

Kingsley Fanwo, kwamishinan yada labarai na jihar Kogi, a baya ya sanar da cewa “ana gudanar da gidan marayun ba bisa doka,” inda yake a wani wuri mai kama da daji ba tare da rijista ga gwamnatin jihar ba kuma ba tare da sanin hukumomin da suka dace da jami’an tsaro ba”.

Nijeriya na fuskantar barazanar tsaro da dama, ciki har da ta’addanci, “barayi” da rikice-rikicen manoma da makiyaya.

Arewa maso tsakiyar Nijeriya, inda jihar Kogi take, ta sha fama da hare-haren tashin hankali ciki har da farmaki a makarantu a ‘yan watannin nan, wasu daga cikinsu ana danganta su da kungiyoyin ta’addanci.

Daruruwan yara an dauke su daga makarantarsu a jihar Neja mai makwabtaka a watan Nuwamba, a wani hari da majiyoyin tsaro suka ce Boko Haram ne ke da alhakin sa.

TRT AFRIKA