Sports
Super Eagles: Augustine Eguavoen ya sauka daga muƙaminsa na kocin Najeriya
Daga kabiru basiru fulatan
Kocin tawagar ƙwallon ƙafa ta Najeriya Augustine Eguavoen ya sauka daga muƙaminsa sakamakon kasa kai tawagar Super Eagles gasar Kofin Duniya ta Qatar 2022.
Wata sanarwa da Nigeria Football Federation (NFF) ta wallafa a shafinta ta ce ta soke kwantaragin shekara biyu da rabi da ta bai wa kocin da tawagarsa nan take wanda tsohon ɗan wasan ƙasar ne.
“Za a sanar da sabuwar tawagar masu horarwa bayan duba cikin tsanaki don ɗora Super Eagles kan tafarki da zimmar fuskantar ƙalubalan da ke gabanta,” a cewar sanarwar.
Sanarwar ta ambato Sakataren NFF Mohammed Sanusi na cewa “mun gode wa kociyoyin bisa aikin da suka yi wa ƙasa sannan muna yi musu fatan alheri a ayyukansu na gaba”.
Ana sa ran Eguavoen mai shekara 56 da ya horar da tawagar har sau biyu zai koma tsohon muƙaminsa na daraktan wasanni.
A ranar Talata ne Super Eagles ta kasa samun gurbin zuwa Qatar bayan tawagar Black Stars ta Ghana ta doke ta a Abuja babban birnin Najeriya.
An tashi wasa 1-1 a filin wasa na M.K.O Abiola bayan tashi 0-0 a wasan farko da giwayen na Yammacin Afirka suka fafata a birnin Kumasi na Ghana.
NLC Za Ta Fara Fafutukar Neman Sabon Ƙarin Mafi Ƙarancin Gabanin 2027 — Ajaero
Akalla Mutane 259 Ne Suka Mutu Sakamakon Zazzabin Lassa A Najeriya
TINUBU DA SHETTIMA BA SA NAJERIYA — “Ba Ni Ne Mukaddashin Shugaban Ƙasa Ba” — Akpabio
Yan Siyasa Sun Karkatar Da Naira Biliyan 360 Daga Lalitar Gwamnati Sun Sayi Kadarori A Amurka — Rahoto
Jami’an NSCDC Sun Bankado Wani Wurin Hada Gurbataccen Lemun Kwalba A Legas
Jam’iyyar Labour Party Ta Yi Alkawarin Kafa Hukumar Kula Da Hayar Gidaje A Kano
NUJ Kano Ta Yi Allah-wadai Da Harin Da Aka Kai Wa ’Yan Jarida
Jami’an Ƴansanda Sun Cafke Mai Safarar Makamai, Sun Kwato Harsasai 637 A Kaduna
Shettima @60: Haƙurinsa, Biyayyarsa Sun Taimaka Wajen Ciyar Da Manufofin Shugaba Tinubu Gaba — Kwankwaso
