News
Gwamna Zulum ya raba kayan abinci da kuɗaɗe ga mutum 100,000 a Borno
Daga maryam bashir musa
Gwamnan Jihar Borno, Babagana Zulum, ya raba kayan abinci da tsabar kuɗi ga gidaje 100,000 na marasa galihu a cikin babban birnin Maiduguri da Ƙaramar Hukumar Jere.
Da yake jawabi a wajen taron rabon a Maiduguri a jiya Talata, Zulum ya ce matakin wani ɓangare ne na rabon kayan agajin da gwamnati ke yi don rage wahalhalun da tashe-tashen hankula da annobar COVID-19 ta haifar.
A cewar Zulum, gwamnati ta yi bincike na tsanaki waje zaɓo waɗanda su ka ci gajiyar shirin adomin tallafa musu, musamman a wannan lokaci na azumin Ramadan.
Ya ce an kuma miƙa makamancin tallafin ga mabuƙata a sauran ƙananan hukumomin.
Zulum ya ce duk mazajen da su ka ci gajiyar tallafin za su samu buhun shinkafa kowanne, yayin da mata za su samu N10,000, da kuma kilo 5 na sukari kowannen su.
A nasa sakon fatan alheri, shugaban Ƙaramar Hukumar Maiduguri, Alhaji Bolori, ya bayyana matakin a matsayin wanda ya dace, inda ya bukaci wadanda suka ci gajiyar shirin da su rama kyautar da a ka yi musu ta hanyar amfani da lokacin Ramadan wajen yi wa jihar da kasa baki daya addu’ar zaman lafiya.
Jihar Kano Za Ta Karɓi Bakuncin Babban Taron Bunkasa Kiwon Kaji Na Arewacin Nijeriya
Jami’an Ƴansanda Sun Kubutar Da Mutane 19 Daga Hannun ‘Yan Bindiga A Zamfara.
Ba Ma Goyon Bayan Wata Jam’iyya Ko Ɗan Takara – Kungiyar ASUU
Sama Da Mutum 50 Ne Suka Mutu Sakamakon Arangamar ’Yan Bindiga Da ’Yan Sa-kai A Zamfara
Ɗa Da Abokinsa Sun Shiga Hannun Ƴansanda Bisa Zargin Shirya Garkuwa Da Kai Domin Karɓar Kuɗin Fansa Daga Hannun Mahaifinsa
Wasu ’Yanbindiga Sun Yi Garkuwa Kimanin Yara 12 A Neja
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
NDLEA Ta Kama Wata ‘Yar Kasar Uganda Da Ta Boye Koken Dauri 87 A Cikin wandonta
Jami’an Tsaro A Pakistan Sun Kama ’Yan Najeriya 20 Kan Zargin Safarar Miyagun Ƙwayoyi
