Boko Haram Sun Kafa Sansaninsu A Abuja – Bukarti

Daga  kabiru basiru fulatan

Wani Masanin tsaro kuma lauya, Bulama Bukarti, a ranar Juma’a ya ce kungiyar ta’adda ta Boko Haram ta kafa sansani kusa da Abuja, babban birnin kasar.

Ya bayyana hakan ne yayin da yake magana a gidan talabijin na Channels cikin shirin Politics Today.

Mista Bukarti ya ce wannan shi ne karo na farko da kungiyar ta’addancin ta kafa sansani a yankin Arewa ta tsakiya na kasar.

CBN ya gargaɗi masu yaɗa jita-jita kan kasuwar dala

“A yankin Arewa ta tsakiya, kusa da Abuja, yanzu haka dukkan bangarorin uku na Boko Haram sun samu nasarar kafa kansu,” inji shi.

“Kuma wannan ci gaba ne mai damuwa. Kuma kungiyar Boko Haram ce ta kaddamar da harin jirgin kasa. Yanzu mun san cewa Boko Haram ne suka kaddamar da harin gidan yarin Kuje. Kuma zan iya cewa, hare-haren biyu da aka kai a Abuja ‘yan Boko Haram ne suka kaddamar da su, ba ‘yan fashi ba.

“Kuma ko a lokacin tsakanin 2014 zuwa 2015, Boko Haram ba su taba samun wurin zama a Arewa ta Tsakiya ko Arewa maso Yamma ba. A wancan zamani suna ta aika bama-bamai daga yankin Arewa maso Gabas suna tada bama-bamai a Abuja, Kano da sauran wurare.

“Amma abin da muke gani a yau shi ne dukkanin bangarorin uku na Boko Haram da ke zaune a Neja, Nasarawa, Zamfara da kuma kusa da Abuja. Kuma wannan yana da matukar damuwa. Kuma suna kara mutuwa. Kuma mun san a yanzu sun sanya Abuja cikin kawanya kuma dole ne Najeriya ta tashi ta yi abin da ya kamata mu ke bukata don tunkarar wadannan kalubale.”

Kalaman nasa na zuwa ne a daidai lokacin da ake fama da rashin tsaro a babban birnin kasar.

A ‘yan kwanakin nan ‘yan bindiga sun kai hari a cibiyoyin soji inda suka kashe wasu sojoji.

Gwamnatin tarayya ta ce tana kokarin dawo da zaman lafiya a fadin kasar