News
FRSC Ta Fara Yi Wa Direbobi Gwajin Ta’ammali Da Barasa
DAGA YASIR SANI ABDULLAHI
Hukumar Kiyaye Hadurra ta Kasa (FRSC), ta kaddamar da na’ura ta musamman wadda za ta rika amfani da ita wajen gano direbobi ’yan kasuwa masu ta’ammali da barasa.
Sabuwar na’urar in ji hukumar, za ta yi amfani wajen gwada numfashin direbobi domin gano adadin barasar da suka dirka.
Da yake karin haske game da na’urar a ranar Litinin, Kwamandan FRSC na Bauchi, Yusuf Abdullahi, ya ce duk direban da aka kama ya kwankwadi barasa wuce kima za a kwace motarsa.
Ya kara da cewa, ba barasa kadai ba hatta sauran abubuwan shaye-shaye masu illa ga jikin dan adam na’urar za ta taimaka waje ganowa.
“Idan a tasha muka gano direba, nan take za mu sanar da jami’ansu kan direban ya sha barasa wuce kima don haka a kwace motarsa.
“Na’urar za ta iya gano komai a jikin mutum, shi ya sa mukan bukaci direbobin su ja numfashi su sake a kan na’urar, ta haka za mu gano idan akwai matsala,” in ji shi.
Ya ce jami’ansu za su rika yawo da wannan na’urar a kan tituna da tashoshin mota domin cika aiki.
Shugaban tashar Bauchi-Kano reshen Awala, Auwal Ibrahim, ya yaba wa FRSC da samar da wannan sabuwar fasahar.
KPCF Ta Yaba Wa Waiya Kan Inganta Hulɗar Gwamnati Da Jama’a A Kano
Majalisar Dattawa Ta Amince Da Kudirin Samar Da ‘Yansandan Jihohi
Amurka Ta Kakaba Takunkumi A Kan Wani Dan Canji Dan Najeriya Da Kamfanoni Uku A Kano Da Largos
Cutar Kwalara Ta Hallaka Mutane 108, Sama Da 13,000 Sun Kamu A Borno
Gwamnatin Oyo Ta Sanya Dokar Hana Fita A Kananan Hukumomi 10 Saboda Matsalar Tsaro
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
