News
Gwamnatin Kano Ta Tabbatar Da Bullar Cutar Diphtheria A Kananan Hukumomi 13.
DAGA HASSAN KHALID HAMZA
Gwamnatin jihar Kano ta tabbatar da bullar cutar diphtheria a kananan hukumomi 13 na jihar.
Wannan na zuwa ne sa’o’i 48 bayan rahoton da SOLACEBASE ta bayar a ranar Alhamis, inda ya bayyana bullar cutar da ta yi sanadiyar mutuwar mutane 25 kamar yadda ya faru a ranar Juma’ar da ta gabata.
Kwamishinan lafiya na jihar Dr Aminu Tsanyawa ne ya bayyana haka a wani taron tattaunawa kan bullar cutar zazzabin Diphtheria da Lassa a jihar a ranar Asabar.
Ya ce an samu mutane 100 da ake zargin sun kamu da cutar inda uku suka mutu.
“Ya zuwa ranar 20 ga watan Janairun 2023 mun sami rahoton bullar cutar guda 100 da ake zargi daga kananan hukumomi 13.
Su ne kmar haka ”Ungogo, Nassarawa, Bichi, Dala, Dawakin Tofa, Dawakin Kudu, Fagge, Gwale, Kano Municipal, Kumbotso, Kiru, Rano, and Gwarzo.
“A cikin mutane 100 da ake zargin an tabbatar da takwas, yayin da muke jiran karin sakamako.
“Mun rasa rayuka uku daga cikin takwas da aka tabbatar.”
Tsanyawa ya ce a halin yanzu majiyyata 27 suna karbar magani yayin da 41 kuma aka sallame su.
Kwamishinan ya kara da cewa, a ranar 10 ga watan Janairu, cibiyar bayar da agajin gaggawa ta kiwon lafiyar jama’a ta samu rahoton da ake zargin an kamu da cutar zazzabin Lassa daga asibitin koyarwa na Muhammad Abdullahi Wase da ke Kano.
Ya ce an tura wata tawaga domin gudanar da bincike, an dauki samfurin gwajin dakin gwaje-gwaje sannan bayan kwana uku sakamakon ya kamu da zazzabin Lassa.
“An dauki samfura 10 daga cikin wadanda ke da hadarin kamuwa da cutar, 3 sun kamu da cutar, jimilla 4 wadanda ke kula da su a asibitin koyarwa na Aminu Kano,” in ji Tsanyawa.
Kwamishinan ya ci gaba da cewa gwamnatin jihar Kano ta kaddamar da cibiyar killace masu cutar ta Kwanar Dawaki domin killace masu cutar zazzabin Lassa.
Ya kara da cewa an horar da ma’aikatan lafiya tare da kai su cibiyar keɓewa inda aka ba da shawarar magunguna da kayan masarufi kuma suna da cikakken aiki.
Ya kuma yi nuni da cewa jihar za ta gudanar da aikin rigakafi na yau da kullun ga kananan hukumomin da abin ya shafa.(NAN)
Tiriliyan ₦210 na Karya: Yadda Bala Wunti Ya Warware Dukkan Rudanin da Ya Mamaye Zaman Majalisar Dattawa Kan Asusun NNPC
Jihar Kano Ta Shiga Jerin Jahohi 10 Mafi Tara Kudaden Shiga Na VAT A 2026
Ayyuka, Bin Diddigi, Biyan Kudi, Sakamako: Dabarun Kano Da Suka Zarce Jihohi 35
Burna Boy Da Shakira Za Su Yi Waƙa Yayin Hutun Rabin Lokaci A Wasan Ƙarshe Na Kofin Duniya
Gashash Ya Bukaci Gwamnan Abba Da Gwarzo Su Yi Siyasar Girmamawa Maimakon Cin Mutuncin Juna Don Zaman Lafiya Da Kimar Kano
JAMB Ta Soke Karatun Digirin Hadin Gwiwa Da Kwalejojin Ilimi A Najeriya
INEC Ta Ayyana Abiodun Oyebanji A Matsayin Wanda Ya Lashe Zaɓen Gwamnan Ekiti
Majalisar Ɗinkin Duniya ta musanta zargin yiwa Kiristoci kisan ƙare dangi a Najeriya
Hukumar Kula Da Harkokin Shari’a Ta Tilasta Wa Alƙali Ritaya Kan Zargin Karɓar Cin Hancin Naira 250,000 A Kano
