Newcastle ta amince ta ɗauki Gordon daga Everton

DAGA MUHAMMAD MUHAMMAD ZAHRADDIN 

Newcastle na dab da ɗaukar dan wasan gaban Everton Anthony Gordon bayan ƙungiyoyin biyu sun amince da cikiniki tsakaninsu kan fan miliyan 45.

Gordon ya koma filin atisayen Everton a ranar Juma’a bayan share kusan mako baya nan.

Chelsea ta ɗauki Malo Gusto daga Lyon

Da wuya a iya dukan ƙirji a ce an kammala cinikin ɗan wasan mai shekara 21 nan da ranar Talata wadda ita ce ta ƙarshe gabanin rufe lokacin musayar ‘yan wasa.

Ainihin kuɗin da aka sayi ɗan wasan an siye shi ne fan miliyan 40 amma daga baya ya koma 45 da sauran tsarafe-tsarafe.

Chelsea ta so ɗaukar Gordon a wannan kakar, yayin da Everton ta nemi fan miliyan 60.