Dillalan Jabun Kayayyaki Za Su Fuskanci Hukunci – Gwamnatin Kano

DAGA KABIRU BASIRU FULATAN

Gwamnatin jihar Kano, a ranar Asabar, ta gargadi masu sayar da kayayyakin jabu da marasa inganci cewa duk wanda aka kama za a hukunta shi, kuma zai fuskanci sakamako.

Kwamishinan kasuwanci na jihar Alhaji Sani Abbas ne ya yi wannan gargadin a lokacin da yake duba masana’antu a masana’antar Tokarawa.

Gaskiyar abinda ya faru game da matar da ta kashe mijinta a, jihar Bauchi.

Cikin wata sanarwa da Daraktan wayar da kan jama’a na hukumar kula da masu saye ta jihar Kano, Sabo Yahaya Aliyu ya fitar, ta ruwaito kwamishinan ya ce gwamnati ba za ta nade hannayenta ba yayin da wasu ke kokarin mayar da jihar wurin zubar da kayayyakin jabu, marasa inganci da kuma lalacewa.

Ya yi nuni da cewa Kano kasancewarta cibiyar jijiyoyi ta kasuwanci bai kamata a rika zuba idanu mutane suna shigo da gurbatattun abubuwa cikin jihar ba.

“Gwamnatin jihar Kano ta nanata kudurinta na tabbatar da tsafta a kasuwanninmu ta hanyar kare hakin masu saye da sayarwa.

“Gwamnatin yanzu a shirye ta ke don tabbatar da masana’antun da masu samarwa sun bi ka’idojin kasuwancinsu.

Kwamishinan ya yi gargadin cewa daga yanzu duk wanda aka samu yana son yin mu’amala da abubuwan da ka iya haifar da illa ga lafiya ga mabukaci zai fuskanci sakamako.

“Alhaji Sani Abbas, ya ce nan ba da dadewa ba gwamnati za ta samar da wani bugu na kasuwanci mai cike da rudani a Kano,” in ji sanarwar.

Da yake jawabi, mukaddashin Manajan Daraktan Hukumar Kare Kayayyaki ta Jihar Kano, Alhaji Muhammad Sambo Iliyasu, ya ce sun kai ziyarar ne da nufin samar da hadin kai tsakanin Majalisar da masana’antun tare da kusantar da su don fahimtar jajircewarsu.

Sauran wadanda suka yi jawabi yayin ziyarar sun hada da Manajan Darakta na kamfanin Soviet Nigeria Limited, Alhaji Abdullahi Sa’id, ya yabawa kwamishinan da majalisar bisa wannan ziyarar da ya ce za ta taimaka wajen ciyar da su gaba domin inganta ayyukansu.