Shugaban kungiyar Pan Niger Delta, PANDEF Yana  Neman A Cire Wasu Jahohi Uku Daga Hukumar NDDC.

DAGA MUHAMMAD MUHAMMAD ZAHRADDIN 

Shugaban kungiyar Pan Niger Delta, PANDEF, Cif Edwin Clark, ya yi kira da a cire jihohin Abia, Imo, da Ondo daga hukumar raya yankin Neja Delta, ta  NDDC.

Ya kuma yi kira ga gwamnatin tarayya da ta yi gyaran fuska ga doka ta 2000 da ta kafa hukumar.

Kungiyoyin Kwadago Ma Kasa Na Sake Sabon Shirin Tafiya Yajin Aiki

Clark ya ce gyaran dokar zai bada dammar cire Jihohin da ba na Neja Delta mai arzikin man fetur ba, kamar Abia, Imo da Ondo daga jihohi tara da suke karkashin NDDC wadanda su ne, Ondo, Edo, Delta, Bayelsa, Ribas, Imo, Abia, Cross River da Akwa Ibom.

Dattijon wanda ya yi wannan kiran a wani taron manema labarai da aka gudanar a Abuja ranar Talata, ya bayyana cewa shigar jihohin uku a cikin hukumar wata matsala ce ta siyasa.

A Wani labarin kuma Kungiyoyin Kwadago Ma Kasa Na Sake Sabon Shirin Tafiya Yajin Aiki

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.