Gwamnan Kano ya sake gabatar da wani ƙwarya-ƙwaryan kasafin kudin na biliyan 24

Advertisements

DAGA YASIR SANI ABDULLAHI

Gwamna Abba Kabir Yusuf ya sake gabatar da wani ƙwarya-ƙwaryan kasafin kudin bana ranar Talata na naira biliyan 24 a gaban Majalisar Dokokin Jihar Kano don neman amincewarta.

Abba Kabir ya gabatar da rokon ne a cikin wata wasika da shugaban majalisar dokokin jihar, Yusuf Isma’il Falgore ya karanta a zaman majalisar na yau.

An yi hargitsi a majalisar dattijan Najeriya kan nada sabbin shugabannin marasa rinjaye

Isma’il Falgore ya ce gwamnan ya nemi amincewar majalisar ne kamar yadda sashe na 122 karamin sashe na (A) da (B) na tsarin mulkin 1999 ya tanada.

Ya ce, “kudurin ƙwarya-ƙwaryan kasafin kudin na shekara ta 2023 a karo na byu, ya zama dole saboda wasu dalilai daga ciki har da kudaden da jihar ke sa ran samu daga kwamitin rabon kudade na asusun tarayya da harajin VAT da asusun kula da zaizayar kasa da harajin EMTL da kudaden rance na ayyukan samar da lantarki mai zaman kansa daga Babban Bankin Najeriya da kuma karin kudin shiga na cikin gida”.

Gwamnan ya ce bisa la’akari da wadannan bukatu da kuma muradin aiwatar da wasu muhimman ayyukan raya kasa na gaggawa a cikin jihar, an gabatar da kudirin kasafin kudin a kan bangarorin da suka hadar da biyan kudaden garatuti da naira biliyan hudu.

Kazalika, kudirin da gwamnan ya gabatar ya nuna akwai kuma bukatar kashe naira biliyan 20 a kan manyan ayyuka.

A cewarsa da karin ƙwarya-ƙwaryan kasafin kudin naira biliyan 58 da kuma na naira biliyan 24, kasafin kudin Jihar Kano na shekara ta 2023 a yanzu ya kai naira biliyan 350.

Ana iya tuna cewa, a watan Oktobar da ya gabata ne Gwamna Yusuf ya gabatar da kasafin kudin da ya kai Naira biliyan 350 na shekarar 2024 ta badi, inda a ciki, fannin ilimi ne ya samu kaso mafi tsoka na Naira biliyan 95.

A wani labarin kuma Gwamnan Kano ya sake gabatar da wani ƙwarya-ƙwaryan kasafin kudin na biliyan 24

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.